Juan 7:36 - Emberá Chamí

³⁶ ¿Sakãe ichiba maka jara b̶uma: “Machiba mʉ jʉrʉd̶ai maamina unud̶aabai”? Maud̶e ¿kãare jara b̶uma “mʉ wãaruumaa machi poyaa wãd̶aabai”?

Juan 7:36 Iomraidhean Croise

Juan 12:34

Ẽbẽrarã aria panuuba Jesusmaa jarasid̶au: —Moisesba b̶ʉd̶ad̶eeba daiba kuitaa panuu Dachi Akõreba Dachi Karibabarii deai jarad̶a biukaraa nibai. Bichiba ¿saka jara b̶uma chi Ẽbẽra Ba B̶uad̶a ʉtʉ jirab̶ud̶ai? Mau chi Ẽbẽra Ba B̶uad̶a ¿kaima?

Juan 13:33

Machi mʉ warrarãd̶eeba mʉʉba jaraaruu: mʉ machi baara kãꞌãa b̶uabai. Mʉʉba judiorã mechiurãmaa jarad̶a kĩra jãabae anakʉd̶e machimaa jaraaruu: machiba mʉ jʉrʉd̶ai, maamina mʉ wãaruumaa poyaa wãd̶aabai.

Juan 3:4

Maud̶eeba Nicodemoba ichimaa id̶isii: —¿Saka dachi chõra b̶uu waya wãwa adaui kĩra b̶eeima? Maka b̶uubʉrã ¿dachi nawe b̶ited̶e wãi b̶uka waya wãwa adauruu kĩra?

Juan 3:9

Nicodemoba jarasii: —Dachi Akõre Jauriba ¿saka mau maka wauima?

Juan 6:41

Jesusba «mʉ chi pan bajãad̶ebena need̶a» asiid̶eeba, chi judiorã aria duanuurãba ichi ʉ̃rʉbena kachirua berreasid̶au.

Juan 6:52

Maka b̶uud̶e judiorã chiya kĩru berrea bara b̶eesii: —¿Saka ichiba ichi kakua dachimaa kobiaima?

Juan 6:60

Mau jaradea b̶uu ũrisid̶aud̶e ãrea Jesús baara nureeba jarasid̶au: «Jãuba jarad̶a chaarea b̶uu. ¿Kaiba poyaa ijãaima?»

Juan 7:34

Machiba mʉ jʉrʉd̶ai maamina unud̶aabai. Mʉ wãaruumaa machi poyaa wãd̶aabai.

Juan 8:21

Maabae Jesusba jarasii: —Mʉ wãaruu. Wãd̶akare machiba mʉ jʉrʉd̶ai maamina unud̶aabai. Machiba mʉʉd̶e ijãad̶akaud̶eeba kachiruad̶e biud̶ai. Mʉ wãaruumaa machi poyaa wãd̶aabai.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.