Juan 7:33 - Emberá Chamí

³³ Maka panuud̶e Jesusba ẽbẽrarãmaa jarasii: —Mʉ machi ome ãrea b̶uawẽe. Jãad̶akare mʉ waya wãi chi mʉ bʉid̶a b̶uabariimaa.

Juan 7:33 Iomraidhean Croise

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 13:33

Machi mʉ warrarãd̶eeba mʉʉba jaraaruu: mʉ machi baara kãꞌãa b̶uabai. Mʉʉba judiorã mechiurãmaa jarad̶a kĩra jãabae anakʉd̶e machimaa jaraaruu: machiba mʉ jʉrʉd̶ai, maamina mʉ wãaruumaa poyaa wãd̶aabai.

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 14:28

Mʉʉba machimaa jarasii mʉ wãaruu maud̶e waya machi baara b̶uad̶e neei. Machiba mʉ biawãra kʉ̃ria panasirã kĩrajʉʉd̶ai basii mʉ Chachamaa wãaruu kakua. Ichi mʉ audeara chi mechiu niid̶eeba mʉ waya b̶ui mʉ naed̶e b̶uad̶amaa.

Juan 16:10

Kuitaabiai mʉ jipa nii mʉ Chachamaa wãaruud̶eeba. Maud̶e machiba mʉ makaa unud̶aabai.

Juan 16:28

Mʉ Chacha b̶uumarebena nau iujãad̶aa neesii. Maamina mʉʉba nau iujãa b̶ʉi mʉ Chachamaa waya wãi baita.

Juan 16:5

Maamina mʉ, chi mʉ bʉid̶amaa wãi. Maamina ab̶a machid̶ebenaba mau ʉ̃rʉbena mʉʉmaa id̶iwẽa b̶uu.

Juan 17:11

»Mʉ nau iujãad̶e b̶uawẽe maamina maarã wabid̶a nau iujãad̶e panad̶ai. Chacha, bichi ãrea biꞌia nii. Mʉ bichimaa wãaruud̶eeba bichi poyaad̶eeba maarã ãrea nukua b̶uase. Bichi trʉ̃d̶eeba, mʉʉmaa mau poyaabarii deasii, ãchi kakua ab̶a nii kĩra nuread̶amera, dachi kakua ara ab̶a nii kĩra.

Juan 17:13

»Jãabáeburu mʉ bichimaa wãi. Maamina mʉ wabid̶a nau iujãad̶e b̶uud̶e joma chi mʉʉba anakʉd̶e ʉtaa id̶id̶a mau jaraaruu. Maka mʉ bichi ome kĩrajʉʉ b̶uu kĩra ãchi sid̶a ãrea kĩrajʉʉ panad̶ai.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.