Juan 7:28 - Emberá Chamí

²⁸ Maud̶e Jesusba Dachi Akõre de mechiu dud̶a jaradea b̶uud̶e mimi jĩwa jarasii: —Biawãra machiba mʉ unubadau maud̶e kuitaa panuu samabena nee b̶uu. Maamina ara mʉʉd̶eeba neewẽa b̶uu, maumaarã chi biawãra jarabariiba mʉ bʉisii. Machiba ichi unud̶akau.

Juan 7:28 Iomraidhean Croise

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 2:23

Aria baaruud̶e Nazaret puurud̶e b̶uad̶e wãsii. Joma makasii Dachi Akõre baita berreabadaurã jaraped̶aad̶a kĩra: “Ichi Nazaretd̶ebena ad̶ai”.

Mateo 26:55

Maabae Jesusba waabenarãmaa id̶isii: —Machi ¿sakãe machi espada maud̶e bakuru baara imisid̶ama mʉ jidaud̶ayua ẽbẽra mia kachirua nii jidauduu kĩra? Mʉʉba ewaricha Dachi Akõre de mechiu dud̶a machimaa jaradea akʉ b̶uabachii. ¿Sakãe mʉ aria jomaurã daad̶e jidaud̶aabasma?

Lucas 10:22

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai».

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Lucas 2:39

Moisesba b̶ʉd̶ad̶e b̶ʉ kub̶uu kĩra joma wauped̶aad̶akare José maud̶e María baara Galilea druad̶e ãchi puuru Nazaretd̶aa waya wãsid̶au.

Lucas 2:4

Mau ewarid̶e José Galilea druad̶e Nazaret puurud̶e b̶uabachii. Ichi nabẽra Davidd̶ebena neesiid̶eeba Judea druad̶e Belén puurud̶aa wãsii. Belén David adaud̶a puuru basii.

Lucas 2:51

Maabae Jesús ãchi baara Nazaretd̶aa wãsii. Ãchiba jaraaduu ichiba joma waubachii. Joma Jerusalend̶e makad̶a chi naweba ãrea biꞌia kʉ̃risia b̶uabachii.

Juan 1:46

Natanaelba Felipemaa jarasii: —¿Makarã Nazaretd̶ebena ne biꞌia neeika? Felipeba jarasii: —Wãd̶a ichiad̶e.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 12:49

Mʉ ara michid̶eeba berreakau. Mʉ Chacha, chi mʉ bʉid̶aba mʉʉmaa jarasii kãare jarai b̶uu maud̶e saka mau bed̶ea jarai b̶uu sid̶a.

Juan 14:10

¿Bichiba ijãawẽa b̶uka mʉ, mʉ Chacha ome b̶uu maud̶e mʉ Chacha mʉ ome b̶uu? Mʉʉba berrea b̶uu ara mʉʉd̶eeba berreakau. Maumaarã mʉ Chacha mʉ ome b̶uuba mʉʉd̶eeba berrea b̶uu. Biawãra mʉʉd̶eeba ne joma waubarii.

Juan 14:31

Maka mʉ Chachaba waubi b̶uu mʉʉba waui. Maka nau iujãad̶ebenarãba kuitaad̶ai mʉʉba mʉ Chacha ãrea kʉ̃ria b̶uu. »Jiradústuru. Wãuríduru.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 17:25

Chacha, bichi jipa nii. Nau iujãad̶ebenarãba bichi unud̶akau, maamina mʉʉba bichi unubarii. Maud̶e cha duanuu bid̶a kuitaa panuu bichiba mʉ bʉisii.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 3:2

Mau Nicodemo ẽsabud̶aa Jesusmaa wãsii. Maabae Jesusmaa jarasii: —Jaradeabarii, daiba kuitaa panuu bichi Dachi Akõreba bʉid̶a. Dachi Akõre bichi baara b̶uad̶awãe basirã chi ẽbẽrarãba ne poyaa waud̶akau poyaa waubai basii.

Juan 3:33

Chi ichi bed̶ea ijãa b̶uuba kuitaa b̶uu Dachi Akõreba jara b̶uu biawãrabʉ.

Juan 5:32

Maamina mʉ Chachaba mʉ ʉ̃rʉbena berrea b̶uu. Mʉʉba kuitaa b̶uu ichiba jara b̶uu biawãra b̶uu.

Juan 5:43

Mʉ Chacha trʉ̃d̶eeba neesii, maamina mʉ biꞌia irsibisid̶au. Maamina ab̶a ara ichi trʉ̃d̶eeba neeruubʉrã, mau biꞌia irsibibachid̶au.

Juan 6:42

Naka jarasid̶au: —¿Nau Jesús, José warrwãeka? Chi akõre, chi nawe dachiba unubadau. ¿Ichiba sakãe bajãad̶ebena neesii a b̶uma?

Juan 7:14

Mau de pãeb̶aribadau ewari semana ẽsa wauduud̶e Jesús Dachi Akõre de mechiu dud̶aa wãped̶a jaradea b̶eesii.

Juan 8:14

Jesusba jarasii: —Ara mʉ ʉ̃rʉbena berrea b̶umina mʉʉba jara b̶uu biawãrabʉ. Mʉʉba kuitaa b̶uu mʉ samareeba neesii maud̶e samaa wãi. Maamina machiba mau adua panuu.

Juan 8:16

Mʉʉba waabenarã saka nuree ichiaped̶a jaraaruubʉrã, mʉʉba jara b̶uu biawãrabʉ, mʉaburu maka jarawẽa b̶uud̶eeba. Maumaarã mʉ Chachaba, mʉ bʉid̶aba mʉ ome maka jara b̶uu.

Juan 8:19

Maud̶e ãchiba Jesusmaa id̶isid̶au: —Maka b̶uubʉrã bichi akõre ¿sama b̶uma? Jesusba panausii: —Machiba mʉ unud̶akau maud̶e mʉ Chacha sid̶a unud̶akau. Machiba mʉ biawãra unubadau basirã, mʉ Chacha sid̶a unubadau bai basii.

Juan 8:26

Mʉʉba machi ʉ̃rʉbena ne ãrea berreai b̶uu, machi kastikai baita. Maamina makaabai. Chi mʉ bʉid̶a bed̶ea biawãrabʉ. Chi mʉʉba ichid̶ebena ũri b̶uu nau iujãad̶ebenarãmaa jarabarii.

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

Juan 9:29

Daiba kuitaa panuu Dachi Akõreba Moisesmaa berreasii, maamina mau ẽbẽra samabena adua panuu.

Hechos 17:23

Puurud̶e wãaruud̶e mʉʉba unusii machiba Dachi Akõre kuenda juaba ne kaped̶aad̶a de ãrea kob̶ee. Ne baa deabadaud̶e nau bed̶ea b̶ʉ kub̶uu unusii: “Dachi Akõre chi dachiba adua panuu baita waud̶a”. Chi machiba adua panuu Dachi Akõremaa maumaa biꞌia berreabadau. Ara mau Dachi Akõre ʉ̃rʉbena mʉʉba machimaa jaramaa b̶uu.

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Romanos 3:4

Makawãema. Dachi Akõreba waui jarad̶a biawãra joma waui. Ẽbẽrarã setaa jarabadamina Dachi Akõreba waubarii ichiba jara b̶uu kĩra. Ichi Bed̶ead̶e naka b̶ʉ kub̶uu: «Jomaurãba kuitaad̶ai bichiba jara b̶uu jipa b̶uu; ab̶auba bichi ʉ̃rʉbena kachirua jaraaruud̶e bichiba kuitaabiai bichi jipa nii».

2 Corintios 1:18

Dachi Akõre bed̶ea ab̶a b̶uu. Ichiba kuitaa b̶uu daiba jaraped̶aad̶a biawãra basii. Daiba machimaa wãd̶ai ad̶aped̶a ara makʉd̶e wãd̶aabai ad̶aabasii. Daiba «nau biawãra» ad̶aabasii, maad̶akare «seta» ad̶ai baita.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 6:18

Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

1 Juan 5:10

Chi Dachi Akõre Warr ijãa b̶uuba ichi sõd̶e kuitaa b̶uu Dachi Akõreba jara b̶uu biawãra. Maamina chi Dachi Akõreba jara b̶uu ijãawẽa b̶uuba chi mauba setaa jara b̶uu a kʉ̃risia b̶uu, ichi Warr ʉ̃rʉbena jara b̶uu ijãawẽa b̶uud̶eeba.