Juan 6:65 - Emberá Chamí

⁶⁵ Maud̶e Jesusba jarasii: —Maud̶eeba mʉʉba jarasii: mʉ Chachaba ẽbẽra mʉʉmaa eneewẽebʉrã, mau ẽbẽraba poyaa mʉʉd̶e ijãabai.

Juan 6:65 Iomraidhean Croise

Mateo 13:11

Jesusba panausii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena jomaurãmaa kuitaabiawẽa b̶umina machimaa kuitaabia b̶uu.

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.