Juan 6:37 - Emberá Chamí

³⁷ Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Juan 6:37 Iomraidhean Croise

Mateo 11:28

»Nejomad̶eeba kakua ãkaa panuubʉrã, mʉʉmaa nésturu. Mʉʉba machi kʉrrjĩrubiai.

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Juan 17:11

»Mʉ nau iujãad̶e b̶uawẽe maamina maarã wabid̶a nau iujãad̶e panad̶ai. Chacha, bichi ãrea biꞌia nii. Mʉ bichimaa wãaruud̶eeba bichi poyaad̶eeba maarã ãrea nukua b̶uase. Bichi trʉ̃d̶eeba, mʉʉmaa mau poyaabarii deasii, ãchi kakua ab̶a nii kĩra nuread̶amera, dachi kakua ara ab̶a nii kĩra.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 17:6

»Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Juan 6:39

Mʉ bʉid̶aba kʉ̃ria b̶uu ichiba mʉʉmaa dead̶arã ab̶a bid̶a wãꞌãerãad̶amera. Kʉ̃ria b̶uu nau baribai ewarid̶e mʉʉba joma ãchi chokae jiradubiai.

Juan 6:65

Maud̶e Jesusba jarasii: —Maud̶eeba mʉʉba jarasii: mʉ Chachaba ẽbẽra mʉʉmaa eneewẽebʉrã, mau ẽbẽraba poyaa mʉʉd̶e ijãabai.

Juan 9:34

Maud̶e judiorã mechiurãba ichi iadaasid̶au: —Bichi adaud̶ad̶eed̶ebena kachirua waubarii. ¿Saka daimaa ne jaradeaima? Maud̶eeba ichi chi judiorã araa ãbua imibadau ded̶ebena ãyaa bʉisid̶au.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

1 Timoteo 1:16

Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

2 Timoteo 2:19

Maamina ẽbẽrarã Dachi Akõred̶erãba Cristod̶e ãrea ijãa panuu de jʉ̃rʉ kad̶aba de chaarea uru b̶uabarii kĩra. De poraamaa ne b̶ʉ nubadau kĩra, Dachi Akõreba naka jarasii: «Dachi Mechiuba joma ichid̶irã kuitaa b̶uu». Maud̶e jarasii: «Joma Dachi Mechiud̶e ijãa panuu abadaurãba kachirua ida b̶ud̶ai panuu».

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.