Juan 6:26 - Emberá Chamí

²⁶ Jesusba panausii: —Mʉʉba biawãra jaraaruu: machiba kauwa ũrid̶awẽa panuu mʉʉba ẽbẽrarãba ne poyaa waud̶akau waud̶aba kuitaabi b̶uu. Bari Mʉ jʉrʉ panuu pan b̶i jãwaaduud̶aa kosid̶aud̶eeba.

Juan 6:26 Iomraidhean Croise

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Juan 6:14

Chi Jesusba ẽbẽrarãba ne poyaa waud̶akau waud̶a unusid̶aud̶e, ẽbẽrarãba naka jarasid̶au: —Biawãra nau Dachi Akõre baita berreabarii mechiu nii, chi nau iujãad̶aa neei b̶uad̶a.

Juan 6:15

Maamina Jesusba kuitaasii ẽbẽrarãba ichi rey babid̶ai kʉ̃ria panuu. Maud̶eeba waya ichi du ab̶a ead̶e ʉtaa wãsii.

Juan 6:2

Jesusba ẽbẽrarãba ne poyaa waud̶akau wau b̶uud̶eeba ẽpermo nuree aribiabiabachii. Ẽbẽrarã ãreaba mau unu panasiid̶eeba ichi baara ãrea wãsid̶au.

Juan 6:24

Ẽbẽrarãba kuitaasid̶au Jesús, ichi baara nibabadaurã sid̶a aria panuuwãe. Maud̶eeba ãchi mau jãbad̶e ataukuad̶aped̶a Capernaum puurud̶aa Jesús jʉrʉd̶e wãsid̶au.

Juan 6:30

Maud̶eeba ãchiba Jesusmaa id̶isid̶au: —¿Bichiba daimaa kãare unubiaima bichi bed̶ea ijãad̶amera? Dachi nabẽrarãba drua sirua wãꞌãe b̶uud̶e maná kosid̶au. Dachi Akõre bed̶ead̶e jara b̶uu: “Ichiba bajãad̶ebena pan deasii ãchiba kod̶amera”. ¿Bichiba kãare sãaima?

Juan 6:36

Maamina mʉʉba jarad̶a kĩra, mʉʉba ẽbẽrarãba ne poyaa waud̶akau waud̶a machiba unusid̶amina ijãad̶akau.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 6:53

Maud̶e Jesusba jarasii: —Mʉʉba biawãra jaraaruu: machiba mʉ, chi Ẽbẽra Ba B̶uad̶a kod̶awẽebʉrã maud̶e mʉ oa dod̶awẽebʉrã, chokae panad̶aabai.

Juan 6:64

Maamina machid̶ebena chi nureeba wabid̶a mʉ bed̶ea ijãad̶awẽa panuu. Jesusba maka jarasii ichiba arab̶aed̶eed̶e kuitaa b̶uad̶ad̶eeba kairãba ichi bed̶ea ijãad̶awẽa panuu, maud̶e kaiba ichi jidaubii b̶uu.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.