Juan 5:3 - Emberá Chamí

³ Aria jeed̶a ẽpermo nuree, dau pãriu nuree, jʉ̃rʉ nʉka nuree maud̶e b̶akara bʉʉ nuree ãrea baraasii. [Ãchiba chi bania miipaaruu esed̶au panasid̶au.

Juan 5:3 Iomraidhean Croise

Mateo 15:30

Maabae ẽbẽrarã ãrea ichi b̶uumaa neesid̶au. Maarãba jʉ̃rʉ nʉka nuree, dau pãriu nuree, bosara nuree, jua morraa nuree maud̶e waabenarã ẽpermo nureerã eneesid̶au. Mau joma Jesús kĩraare duanuud̶e neesid̶au. Maabae ichiba joma aribiabiasii.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Lucas 7:22

Maud̶eeba Jesusba ãchimaa naka panausii: —Machiba unu panuu maud̶e ũri panuu Juanmaa jarad̶e wã́sturu: dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Juan 5:2

Jerusalén puurud̶e ẽbẽrarã kuibadau wauped̶aad̶a nub̶uasii. Hebreo bed̶ead̶e Betzatá abadau. Mau kuibadau puurud̶e ed̶a wãbadau Oeja abadau kaita b̶uu. Chi kuibadau jãkaa de cheke jua ab̶a kob̶easii.

Juan 5:4

B̶esed̶e Dachi Mechiu angelba mau bania miipa neebachii. Makaaruud̶e chi naa mau baniad̶e ed̶a wãaruu chi ẽpermo b̶uad̶a aribiabachii.]

Romanos 8:25

Maamina chi dachiba esed̶au panuu wabid̶a wãꞌãe panuud̶eeba joma dauchia jãadua panuud̶eeba kuitaa panuu biawãra adaud̶ai.

Santiago 5:7

Maud̶eeba ãbarã, joma dauchia jãadua panásturu ab̶a Dachi Mechiu neeruud̶aa. Ne uu nub̶uud̶e ẽbẽraba wau b̶uu ʉ̃rʉbena kʉ̃risiásturu. Ichi pead̶e uuruud̶e, apii esed̶aubarii kui cheeruud̶e chi uud̶a tonomera maud̶e warimera. Ara maka nubarii kui maucha cheeruud̶e, mau uud̶a biꞌia chaumera.