Juan 5:19 - Emberá Chamí

¹⁹ Maabae Jesusba ãchimaa jarasii: «Mʉʉba biawãra jaraaruu: mʉ, Dachi Akõre Warrba ara mʉ du ab̶auba poyaa waubai. Maamina mʉʉba unu b̶uu mʉ Chachaba wau b̶uu. Joma mʉ Chachaba wau b̶uu mʉa bid̶a wau b̶uu.

Juan 5:19 Iomraidhean Croise

Mateo 26:39

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, Dachi Akõremaa ʉtaa id̶isii: «Chacha, bichiba kʉ̃ria b̶uubʉrã, nau biꞌiwãe b̶uai b̶uud̶ebena mʉ karibase. Maamina mʉʉba kʉ̃ria b̶uu waurã́se, maumaarã bichiba kʉ̃ria b̶uu kĩra wause».

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Juan 10:18

Mʉʉba mʉ ida beabiwẽebʉrã ab̶au bid̶a mʉ poyaa bead̶aabai, maamina mʉ biui mʉʉba maka kʉ̃ria b̶uud̶eeba. Mʉ biuped̶a poyaa chokae jiradui. Mʉ Chachaba mʉʉmaa maka waubisii».

Juan 12:49

Mʉ ara michid̶eeba berreakau. Mʉ Chacha, chi mʉ bʉid̶aba mʉʉmaa jarasii kãare jarai b̶uu maud̶e saka mau bed̶ea jarai b̶uu sid̶a.

Juan 12:50

Mʉʉba kuitaa b̶uu mau waubi b̶uu bed̶eaba ẽbẽrarã ichi baara ewaricha chokae duanabiai. Maud̶eeba mʉ Chachaba mʉʉmaa jarad̶a kĩra mʉʉba berrea b̶uu».

Juan 14:10

¿Bichiba ijãawẽa b̶uka mʉ, mʉ Chacha ome b̶uu maud̶e mʉ Chacha mʉ ome b̶uu? Mʉʉba berrea b̶uu ara mʉʉd̶eeba berreakau. Maumaarã mʉ Chacha mʉ ome b̶uuba mʉʉd̶eeba berrea b̶uu. Biawãra mʉʉd̶eeba ne joma waubarii.

Juan 2:19

Jesusba panausii: —Nau de mechiu ãriiduubʉrã, mʉʉba ewari õbead̶e waya waui.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 6:38

Mʉ bajãad̶ebena need̶awãe michi kʉ̃ria waui baita. Maumaarã neesii mʉ bʉid̶aba kʉ̃ria b̶uu waui baita.

Juan 8:28

Maud̶eeba ichiba jarasii: —Machiba mʉ, chi Ẽbẽra Ba B̶uad̶a ʉtʉ jirab̶uuduud̶e kuitaad̶ai Mʉ Nii. Kuitaad̶ai mʉʉba b̶istĩika bid̶a ara michi kʉ̃ria waukau basii, maumaarã mʉ berrea b̶uabarii mʉ Chachaba jaradead̶a kĩra.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Hechos 2:24

Jesús ãrea kakua puaba biusii. Maamina Dachi Akõreba ichi chokae jiradubisiid̶eeba waya biubai; chokae biukaraa nibai.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

1 Corintios 15:12

Daiba Cristo chokae jiradud̶a ʉ̃rʉbena jaradeabadau. Mau ¿saka waabenarã machid̶ebenaba biuped̶aad̶a chokae jiradud̶aabai a panuma?

2 Corintios 4:14

Dachi Akõreba Dachi Mechiu Jesús chokae jiradubisii, maud̶e daiba kuitaa panuu dai sid̶a Jesús kĩra chokae jiradubiai. Maabae dai machi ome ãbua ara ichi daad̶e b̶ui.

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

Efesios 3:16

Mʉʉba ʉtaa id̶i b̶uu ichi Jaurid̶eeba maud̶e ichiba ne bia ãrea uru b̶uud̶ebena ichi poyaabarii machimaa sõd̶e deamera. Maka machi chaarea nuread̶ai.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

1 Tesalonicenses 4:14

Maamina dachiba Jesús biu b̶uad̶ad̶ebena chokae jiradud̶a ijãa panuu. Maud̶eeba kuitaa panuu Jesusd̶e ijãabadaurã biuped̶aad̶a Dachi Akõreba joma chokae jiradubiaped̶a ichi baara uad̶oi.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.