Juan 5:17 - Emberá Chamí

¹⁷ Maamina Jesusba ãchimaa jarasii: —Mʉ Chacha wabid̶a kʉrrjĩruwẽa ẽbẽrarã kariba b̶uu maud̶e mʉa bid̶a kʉrrjĩruwẽa kariba b̶uu.

Juan 5:17 Iomraidhean Croise

Mateo 10:29

¿Nejarr ab̶aba ibana chekerã ome nedoobai b̶uka? Maamina ibana cheke ab̶a bid̶a iorod̶e b̶aed̶akau, chi Akõre bajãad̶e b̶uuba jaraaruuwãed̶e.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 14:10

¿Bichiba ijãawẽa b̶uka mʉ, mʉ Chacha ome b̶uu maud̶e mʉ Chacha mʉ ome b̶uu? Mʉʉba berrea b̶uu ara mʉʉd̶eeba berreakau. Maumaarã mʉ Chacha mʉ ome b̶uuba mʉʉd̶eeba berrea b̶uu. Biawãra mʉʉd̶eeba ne joma waubarii.

Juan 5:16

Maad̶akare paare mechiurãba Jesús ʉ̃rʉbena kachirua jara paneesid̶au mau ẽbẽra bari panabadau ewarid̶e aribiabisiid̶eeba.

Juan 5:18

Maud̶eeba judiorã mechiurãba ichi aude bead̶ai kʉ̃ria paneesid̶au. Ichiba bari panabadau ewarid̶e ẽbẽrarãba ne poyaa waud̶akau waud̶a kʉ̃riad̶aabasii. Mau awara mʉ Chacha ad̶a kakua aude kʉ̃riad̶aabasii, ara ichi Dachi Akõre asiid̶eeba.

Juan 9:4

Maud̶eeba wabid̶a ãsaed̶e b̶uud̶e chi mʉ Bʉid̶aba waubi b̶uu mʉʉba waui b̶uu. Kiuruud̶e ab̶a bid̶a poyaa trajakau.

Hechos 14:17

Maamina ewaricha biꞌia wau b̶uud̶eeba ichiba kuitaabi b̶uu ichi biawãra nii. Ichiba bajãad̶ebena kui neebibarii maud̶e ne uu nub̶uu chaubiabarii. Maka ichiba dachi b̶i jãwaa kobiabarii maud̶e sõd̶e kĩrajʉʉbiabarii.

Hechos 17:28

“ichid̶eeba dachi panabadaud̶eeba, dachi nibabadaud̶eeba maud̶e dachi chokae nureed̶eeba”. Maud̶eeba chi nuree machid̶ebena bed̶ea mipitaa b̶ʉbadaurãba jarasid̶au: “Dachi ichi warrarãbʉ”.

1 Corintios 12:6

Dachi Akõre ab̶a niiba dachimaa ne diwaraa waubi b̶uu. Ichiaburu dachid̶eeba mau joma waubarii.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.