Juan 5:15 - Emberá Chamí

¹⁵ Mau maad̶akare chi ẽbẽra judiorã mechiurãmaa wãped̶a jarakuasii chi ichi aribiabid̶a Jesús basii.

Juan 5:15 Iomraidhean Croise

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Juan 1:19

Nau chi Juanba ara ichi ʉ̃rʉbena jarad̶abʉ. Judiorã paare mechiurãba Jerusalend̶ebena paarerã maud̶e levid̶ebenarã, Juanmaa bʉisid̶au. Maarãba Juanmaa id̶isid̶au: —¿Bichi kaima? ¿Bichi Dachi Akõreba Dachi Karibabarii deai jarad̶aka?

Juan 4:29

—Ichiad̶e wã́duru, chi mʉʉba unud̶a ẽbẽra. Mauba mʉʉmaa jarasii joma mʉʉba naed̶e waud̶a bad̶a. ¿Mau Dachi Akõreba Dachi Karibabarii deai jarad̶awãeka?

Juan 5:10

Maud̶eeba judiorã mechiurãba chi ẽbẽra aribiad̶amaa jarasid̶au: —Id̶i bari panabadau ewarid̶eeba bichi jira adoebadau adoebai b̶uu.

Juan 5:12

Ãchiba id̶isid̶au: —¿Kaiba bichimaa maka bichi jira adoebadau adoeped̶a wãs asma?

Juan 5:16

Maad̶akare paare mechiurãba Jesús ʉ̃rʉbena kachirua jara paneesid̶au mau ẽbẽra bari panabadau ewarid̶e aribiabisiid̶eeba.

Juan 5:18

Maud̶eeba judiorã mechiurãba ichi aude bead̶ai kʉ̃ria paneesid̶au. Ichiba bari panabadau ewarid̶e ẽbẽrarãba ne poyaa waud̶akau waud̶a kʉ̃riad̶aabasii. Mau awara mʉ Chacha ad̶a kakua aude kʉ̃riad̶aabasii, ara ichi Dachi Akõre asiid̶eeba.

Juan 9:15

Maabae chi fariseorã bid̶a mau mukĩramaa id̶isid̶au saka unu b̶eesii. Maud̶e ichiba jarasii: —Jesusba ioro susua wauped̶a mʉ daucha purusii. Maabae mʉʉba baniaba jeraaruud̶e unu kob̶eesii.

Juan 9:25

Chi dau pãriu b̶uad̶aba jarasii: —Mʉʉba adua b̶uu mauba kachirua waubarii maebʉrã waukau. Ab̶aburu kuitaa b̶uu mʉ dau pãriu b̶uasii maamina jãabae unu b̶uu.

Juan 9:30

Maud̶e chi dau pãriu b̶uad̶aba jarasii: —¿Sakaburu? ¿Saka machiba ichi samabena adua panuu a panuma? ¿Mauba mʉ dau aribiabid̶awãeka?

Juan 9:34

Maud̶e judiorã mechiurãba ichi iadaasid̶au: —Bichi adaud̶ad̶eed̶ebena kachirua waubarii. ¿Saka daimaa ne jaradeaima? Maud̶eeba ichi chi judiorã araa ãbua imibadau ded̶ebena ãyaa bʉisid̶au.