Juan 4:53 - Emberá Chamí

⁵³ Maud̶e chi akõreba kuitaasii ara makʉd̶e Jesusba bichi warr aribiasii asii. Maabae ichiba maud̶e joma ichi ded̶ebenarãba Jesusd̶e ijãasid̶au.

Juan 4:53 Iomraidhean Croise

Mateo 8:13

Maabae Jesusba kokoroarã jaradea ua b̶uabariimaa jarasii: —Deed̶aa wãse. Bichiba ijãa b̶uu kĩra mʉa waui. Ara makʉd̶e chi kokoroarã jaradea ua b̶uabarii chi chibari baita bari trajabarii aribiasii.

Lucas 19:9

Jesusba maumaa jarasii: —Id̶i Dachi Akõreba bichi maud̶e bichi ded̶ebena karibasii, Abrahamba ijãad̶a kĩra bichiba ijãa b̶uud̶eeba.

Juan 4:51

Deed̶aa neeruud̶e ichi baita bari trajabadaurãba irsibid̶aped̶a jarasid̶au: —Bichi warr aribiasii.

Juan 4:52

Maabae ichiba id̶isii: —¿Sakaed̶e maka aribiasma? Ãchimaa panausid̶au: —Nuid̶a ʉmada wãd̶akare chi kʉamia duusii.

Hechos 11:14

Mauba jarai saka Dachi Akõreba bichi maud̶e bichi ded̶ebenarã karibai”.

Hechos 16:15

Lidia maud̶e joma ichi ded̶ebenarã boro easid̶aud̶e daimaa chi chuburia id̶isii ichi ded̶e paneed̶amera. Naka jarasii: —Machimaa mʉʉba biawãra Dachi Mechiud̶e ijãasiibʉrã, mʉ ded̶e panad̶e nésturu. Maka dai ichi ded̶e paneebiasii.

Hechos 16:34

Pablo maud̶e Silas ichi deed̶aa adoeped̶a kobiasii. Dachi Akõred̶e ijãasid̶aud̶eeba ichi maud̶e chi ichi ded̶ebenarã ãrea kĩrajʉʉsid̶au.

Hechos 18:8

Judiorã araa ãbua imibadau ded̶ebena chi karr Crispo abachid̶au. Mau Crispoba maud̶e joma ichi ded̶ebenarãba Dachi Mechiud̶e ijãasid̶au. Mau awara ãrea Corintod̶ebenarãba ũrisid̶au Pabloba Jesús ʉ̃rʉbena jaradea b̶uu. Chi ijãad̶aped̶a boro easid̶au.

Hechos 2:39

Dachi Akõre chi Mechiuba ichi Jauri deai jarad̶a machi baita b̶uu, machi warrarã baita b̶uu maud̶e ẽbẽrarã kaitawẽ nureerã baita b̶uu. Joma chi Dachi Akõre Mechiuba iukua b̶uu ẽbẽrarã baita b̶uu.