Juan 4:43 - Emberá Chamí

⁴³ Samariad̶e ewari ome b̶uaped̶a Jesús Galilea druad̶aa wãsii.

Juan 4:43 Iomraidhean Croise

Mateo 4:13

Maamina Nazaret puurud̶e b̶eebasii, Capernaum puurud̶éburu b̶uad̶e wãsii. Mau puuru mar iikaa b̶uu. Neftalid̶ebena neeped̶aad̶a Israel druad̶e b̶uu maud̶e Zabulond̶ebena neeped̶aad̶a drua kaita b̶uu.

Juan 1:42

Maabae Andresba Simón Jesusmaa adoesii. Neesid̶aud̶e Jesusba Simonmaa ichiaped̶a jarasii: —Bichi Simón Jonás warr, maamina id̶iid̶eeba bichi Cefas ad̶ai. (Mau Cefas trʉ̃ Pedro abadau).

Juan 4:40

Samariad̶ebenarã Jesusmaa need̶aped̶a chi chuburia id̶isid̶au ãchi baara b̶eemera. Maabae Jesús ãchi puurud̶e ewari ome b̶eesii.

Juan 4:44

Mau naed̶e ichiba jarasii Dachi Akõre baita berreabarii ara ichi druad̶ebenarãba wapeadee nii ad̶akau.

Juan 4:46

Galilea druad̶e b̶uud̶e Jesús waya Caná puurud̶aa wãsii ichiba naed̶e bania uva b̶aa babid̶amaa. Maumisa Capernaum puurud̶e chi rey ome trajabarii chi mechiu b̶uasii. Chi mau warr ãrea ẽpermo b̶uasii.

Romanos 15:8

Mʉʉba jaraaruu: Cristo neesii dai judiorã karibai baita. Dachi Akõreba judiorã nabẽraed̶ebena chi mechiurã ome bed̶ea dead̶a Cristoba wausii. Mauba unubisii ichiba jara b̶uu kĩra wau b̶uabarii.