Juan 4:21 - Emberá Chamí

²¹ Jesusba panausii: —Mʉʉba jara b̶uu ijãase. Ewari ab̶a neeruud̶e machiba biawãra Dachi Akõremaa biꞌia berread̶ai. Maamina maka waud̶aabai nau ead̶e maebʉrã Jerusalend̶e bid̶a.

Juan 4:21 Iomraidhean Croise

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Lucas 21:24

Waabenarã espadaba kenad̶ai, maud̶e waabenarã drua b̶eecha jidau adoekuad̶ai. Maud̶e judiowãe nureerãba Jerusalén ãchi juad̶e uru panad̶ai ab̶a Dachi Akõreba b̶ud̶a ewarid̶aa.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 16:32

Chi ewari neei b̶uad̶a neeruu. Machi joma ab̶aab̶aa jĩichoad̶aped̶a mʉ du ab̶a b̶uid̶ai. Maamina mʉ du ab̶a b̶uabai mʉ Chacha mʉ ome b̶uud̶eeba.

Juan 4:23

Maamina chi ewari neei b̶uad̶a neesii. Id̶ibae Dachi Akõreba kʉ̃ria b̶uu ẽbẽrarãba chi nureemarebenad̶eeba ichimaa ichi Jaurid̶eeba biꞌia berread̶ai maud̶e biawãra kuitaa panuud̶eeba. Ab̶a makaburu ichimaa arakʉd̶e biꞌia berread̶ai.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Juan 5:28

Mʉʉba jara b̶uu kakua kʉ̃riskawarã́sturu. Biawãra ewari ab̶ad̶e jomaurã biud̶arãba mʉ, chi Ẽbẽra Ba B̶uad̶a bed̶ea ũriiduud̶e,

Hechos 6:14

Ichiba jarasii Jesús Nazaretd̶ebenaba Dachi Akõre de mechiu ãrii maud̶e Moisesba jaradea b̶uad̶a kĩra diware waui. Jãuba maka berrea b̶uu daiba ũrisid̶au».

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Efesios 3:14

Maud̶eeba mʉ dachi Bajãad̶ebena Akõre daad̶e õdarrd̶e kob̶eebarii.

1 Timoteo 2:8

Maud̶eeba, ãbarã araa ãbua imiiduucha mʉʉba kʉ̃ria b̶uu mukĩrarãba kʉ̃risia biad̶eeba ãchi jua ʉtaa jiraaduud̶e Dachi Akõremaa ʉtaa id̶id̶amera. Maud̶e kĩru panad̶aabai panuu maud̶e oa kachirua berrea panad̶aabai panuu.

1 Pedro 1:17

Machiba Dachi Akõremaa berreaduud̶e machi Chacha abadaubʉrã, kuitásturu Ichiba ẽbẽra waabenarã audeara kʉ̃riakaud̶eeba joma ichiai dachiba wauped̶aad̶a. Maud̶eeba wabid̶a nau iujãad̶e ãibenarã kĩra panuumisa ewaricha ichi wapea panuud̶eeba jipa nibásturu.

Apocalipsis 21:22

Mau puurud̶e mʉʉba Dachi Akõre de mechiu unuubasii wãꞌãed̶eeba. Ẽbẽrarãba Dachi Akõre chi Joma Poyaabarii maud̶e chi Oeja Kaebe Niimaa biꞌia berread̶ai, naed̶e ichi de mechiud̶e waubachid̶au kĩra.