Juan 4:11 - Emberá Chamí

¹¹ Wẽraba jarasii: —Nau bania id̶u nub̶uud̶e, bichiba ¿kãareba chi bania juuima? Mau chokae b̶uabibarii bania ¿bichiba samabena juiima?

Juan 4:11 Iomraidhean Croise

Juan 3:4

Maud̶eeba Nicodemoba ichimaa id̶isii: —¿Saka dachi chõra b̶uu waya wãwa adaui kĩra b̶eeima? Maka b̶uubʉrã ¿dachi nawe b̶ited̶e wãi b̶uka waya wãwa adauruu kĩra?

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Juan 7:37

Mau bari panabadau ewari wau panuu chi kaad̶ebena ewari mechiu b̶uasii. Jesús kaad̶ebena ewarid̶e b̶ari nub̶eeped̶a mimi jĩwa jarasii: —Barikia ẽbẽra obisia b̶uubʉrã mʉʉmaa neese, maabae bania chokae nibabiabarii dose.

Hechos 10:14

Maamina Pedroba jarasii: —Mʉ Mechiu, ¡makawãema! Chi daiba kod̶aabai panuu chiko maebʉrã chi bichi daad̶e biꞌiwãe b̶uu mʉʉba kokau.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

Apocalipsis 21:6

Maud̶e mʉʉmaa naka jarasii: «Jãabae mau joma wau kub̶uu. Mʉ chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Bari obisia b̶uubʉrã, mʉʉba iorod̶e bania bumadru b̶uud̶ebena bari dobiai. Mau baniaba ewaricha chokae nibabiabarii.

Apocalipsis 22:1

Mau maad̶akare angelba do pawãraa b̶uu mʉʉmaa unubisii. Biirio kĩra dod̶aa b̶uasii. Mau baniaba ewaricha chokae b̶uai deabarii. Dachi Akõre maud̶e Oeja Kaebe Nii rey ãkau bia b̶uareeba mau do puurud̶ebena o jõparrea b̶uu ẽsa eab̶ari b̶uu. Mau do kĩarecha bakuru chi jõo ewaricha chokae b̶uai deabarii poe basii. Añod̶e b̶es 12 ome chaubarii, jed̶ako ewaricha chaubariid̶eeba. Chi kiruu ʉrrmid̶ia kĩra b̶uu, druachabenarã jaiswãe panad̶amera.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Apocalipsis 7:17

Chi Oeja Kaebe Nii rey ãkaud̶e akʉ b̶uuba maarã nu b̶uai. Maarã uad̶oi chi chokae nibabiabarii iorod̶e bania bumadru b̶uumaa dod̶amera. Mau ewarid̶e Dachi Akõreba ãchi dau b̶aa joma jarekuai.