Juan 3:23 - Emberá Chamí

²³ Maumisa Juanba boro ea b̶uabachii Enond̶e, Salim puuru kaita, aria bania ãrea b̶uud̶eeba. Aria ẽbẽrarã wãbachid̶au, boro eabidai baita.

Juan 3:23 Iomraidhean Croise

Lucas 3:7

Ãrea ẽbẽrarã neebachid̶au Juanba boro eamera. Maamina Juanba waabenarãmaa jarabachii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Juan 3:22

Mau maad̶akare Jesús maud̶e ichi baara nibabadaurã Judea druad̶aa wãsid̶au. Aria panuud̶e chi ichid̶e ijãaduu boro eakuabachii.

Juan 3:24

Mau makasii Juan jʉ̃ad̶ai naed̶e.

Apocalipsis 1:15

Ichi jʉ̃rʉ bronce tʉbʉd̶e kub̶ud̶akare urua kub̶uu kĩra b̶uasii. Ichi bed̶ea do ãrea cheeruu kĩra jĩwa b̶uasii.

Apocalipsis 14:2

Maabae mʉʉba bajãad̶e do ʉrʉrʉa kĩra ũrisii, bã ʉrʉrʉa kĩra. Chi mʉʉba ũrisii, arpa chaamaa panuud̶e jĩwabarii kĩra b̶uasii.

Apocalipsis 19:6

Maabae mʉʉba ãrearã jĩwa berrea duanuu ũrisii. Mau do ʉrʉrʉa kĩra maud̶e bã ãrea b̶aemaa b̶uu kĩra b̶uasii. Naka jara duanasid̶au: «¡Dachi Mechiumaa biꞌia jaráduru, Dachi Akõre Joma Poyaabariiba jomaurã ichi juad̶e ua b̶uud̶eeba!