Juan 3:13 - Emberá Chamí

¹³ »Ab̶a bid̶a bajãad̶aa wãkau mau kuitaai baita. Ab̶aburu mʉ́turu, chi Ẽbẽra Ba B̶uad̶aba mau kuitaa b̶uu, bajãad̶ebena need̶ad̶eeba.

Juan 3:13 Iomraidhean Croise

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 17:5

Maud̶eeba Chacha, mʉ bichi daad̶e chi mechiu b̶use bichi ome nau iujãad̶e waui naed̶e maka nibad̶a kĩra.

Juan 3:12

Mʉʉba nau iujãad̶e unubadau ʉ̃rʉbena jara b̶uu machiba ijãad̶awẽebʉrã, bajãad̶ebena jaraaruubʉrã ¿saka ijãad̶aima?

Juan 3:31

»Chi ʉtʉʉba need̶a jomaurã audeara mechiu nii. Chi nau iujãad̶e nuree nau iujãad̶ebenad̶eeba ab̶a nau iujãad̶ebenáturu berreabadau. Maud̶eeba chi bajãad̶ebena neeruu jomaurã audeara mechiu nii.

Juan 6:33

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Juan 6:38

Mʉ bajãad̶ebena need̶awãe michi kʉ̃ria waui baita. Maumaarã neesii mʉ bʉid̶aba kʉ̃ria b̶uu waui baita.

Juan 6:42

Naka jarasid̶au: —¿Nau Jesús, José warrwãeka? Chi akõre, chi nawe dachiba unubadau. ¿Ichiba sakãe bajãad̶ebena neesii a b̶uma?

Juan 6:46

Mauba jarawẽa b̶uu ab̶aba Dachi Akõre unusii. Ab̶aburu mʉʉba Dachi Akõre unubarii ichimarebena neesiid̶eeba.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:62

Maka b̶uubʉrã machiba mʉ, chi Ẽbẽra Ba B̶uad̶a chi naa b̶uad̶amaa ʉtaa wãaruu unuuduubʉrã ¿saka kʉ̃risiad̶aima?

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

Hechos 2:34

David bajãad̶aa wãabasii, Jesús wãd̶a kĩra. Maumaarã ichiba naka jarasii: “Dachi Mechiuba mʉ Mechiumaa jarasii: Mʉ jua biare akʉ b̶eese,

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

Romanos 10:6

Maamina chi Cristod̶e ijãa b̶uu Dachi Akõre daad̶e jipa nuree baarabena bai baita naka jara b̶uu: «Bichi sõd̶eeba jararã́se: “¿Kai bajãad̶aa wãi b̶uma?” (Cristo nau iujãad̶aa neebii baita).

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

Efesios 1:23

Ẽbẽrarã Cristod̶erã ichi kakuabʉ. Ãchi ne jomad̶e ichid̶eeba panuu maud̶e ne joma ichid̶eeba b̶uu.