Juan 21:5 - Emberá Chamí

⁵ Maka b̶uud̶e Jesusba ãchimaa jĩwa id̶isii: —Warrarã, ¿b̶eda jidausid̶aka? Ãchiba panausid̶au: —Jidaud̶awẽa panuma.

Juan 21:5 Iomraidhean Croise

Mateo 14:15

Kiumaa b̶uud̶e ichi baara nibabadaurã ichimaa need̶aped̶a jarasid̶au: —Nama ara kaita ẽbẽrarã wãꞌãe. Mau awara kiumaa b̶uu. Ẽbẽrarãmaa jarase puuru b̶eed̶e chiko nedod̶e wãd̶amera.

Marcos 8:7

Maud̶e b̶eda ãreawãe uru panasid̶au. Jesusba mau kakua Dachi Akõremaa ichíturu kid̶ibai aped̶a ẽbẽrarãmaa dead̶akabiasii.

Filipenses 4:19

Biawãra joma machiba ne wãꞌãe panuu mʉ Bajãad̶ebena Akõreba ne bia uru b̶uud̶ebena Jesucristod̶eeba deai.

Hebreos 13:5

Chi nejarr kʉ̃ria panarã́sturu. Maumaarã ara machiba uru nureeba kĩrajʉʉ panásturu Dachi Akõreba naka jarasiid̶eeba: «Mʉʉba bichi b̶ʉiwẽe maud̶e ida b̶uwẽe».

1 Juan 2:13

Chõrarã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu jʉbawãe nii poyaasid̶aud̶eeba. Warrarã, mʉʉba nau karta machi baita b̶ʉ b̶uu Dachi Bajãad̶ebena Akõre unusid̶aud̶eeba.

1 Juan 2:18

Mʉ warrarã, nau kaad̶ebena ewari wãꞌãeburuu. Machiba ũrisid̶au Cristo kĩramaabarii neei. Cristo kĩramaabadaurã id̶ibae barau. Maud̶eeba dachiba kuitaa panuu nau Dachi Akõre bed̶ea ewari wãꞌãeburuu.