Juan 21:22 - Emberá Chamí

²² Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Juan 21:22 Iomraidhean Croise

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 24:27

Chi Ẽbẽra Ba B̶uad̶a neeruu jomaurãba unud̶ai ʉmada neebariared̶ebena ʉmada b̶aebariid̶aa bajãa puri chebibarii unubadau kĩra.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Mateo 24:44

Ara mau kĩra machi sid̶a dau kuitaa panásturu. Machiba mʉ, chi Ẽbẽra Ba B̶uad̶a neei, kʉ̃risiad̶awẽa panuud̶e neei.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 8:22

Jesusba ichimaa jarasii: —Mʉ ome wãse. Chi biuped̶aad̶aba chi biud̶arã jau b̶ud̶ai panuu.

Marcos 9:1

Maud̶e Jesusba jarasii: —Mʉʉba biawãra jaraaruu: chi nuree nama panuu biud̶ai naed̶e unud̶ai Dachi Akõre poyaad̶eeba ichid̶irã ichi juad̶e ua b̶uu neeruu.

Juan 21:19

Mau jara b̶uud̶eeba Jesusba kuitaabisii Pedro saka biui b̶uu, ichi biuruud̶eeba ẽbẽrarãba kuitaad̶ai Dachi Akõre chi mechiu nii. Maka jaraped̶a Jesusba Pedromaa jarasii: —¡Mʉ baara nibase!

Juan 21:21

Pedroba mau ẽbẽra unusiid̶e Jesusmaa id̶isii: —Mʉ Mechiu, cha nii ¿sãaima?

1 Corintios 11:26

Dachi Mechiu Jesús neeruumisa mau pan kooduucha maud̶e mau basud̶e b̶uu dooduucha machiba ichi biud̶a ʉ̃rʉbena jara panuu.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

1 Tesalonicenses 2:19

Biawãra dai machi kakua kĩrajʉʉ panuu. Mau awara kuitaa panuu Dachi Mechiu Jesucristo neeruud̶e daiba machi jipa panuu ichimaa unubid̶ai. Maud̶e ichi daad̶e machi kakua dai kĩrajʉʉ panad̶ai.

Santiago 5:7

Maud̶eeba ãbarã, joma dauchia jãadua panásturu ab̶a Dachi Mechiu neeruud̶aa. Ne uu nub̶uud̶e ẽbẽraba wau b̶uu ʉ̃rʉbena kʉ̃risiásturu. Ichi pead̶e uuruud̶e, apii esed̶aubarii kui cheeruud̶e chi uud̶a tonomera maud̶e warimera. Ara maka nubarii kui maucha cheeruud̶e, mau uud̶a biꞌia chaumera.

Santiago 5:8

Ara mau kĩra joma dauchia jãadua panuud̶eeba esed̶au panásturu maud̶e sõd̶eeba ijãa panásturu, Dachi Mechiu Jesucristo kãꞌãabariwãed̶e neeid̶eeba.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 2:25

bari dauchia jãadua panuud̶e, mʉʉd̶e ijãa panad̶ai mʉ neeruud̶aa.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!

Apocalipsis 22:7

Jesusba jarasii: «¡Ũrísturu, mʉ kãꞌãabariwãed̶e neei! Ãrea biꞌia b̶uu joma chi Dachi Akõre baita berreabarii bed̶ea nau kartad̶e jara b̶uud̶e ijãa b̶uu».

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.