Juan 21:19 - Emberá Chamí

¹⁹ Mau jara b̶uud̶eeba Jesusba kuitaabisii Pedro saka biui b̶uu, ichi biuruud̶eeba ẽbẽrarãba kuitaad̶ai Dachi Akõre chi mechiu nii. Maka jaraped̶a Jesusba Pedromaa jarasii: —¡Mʉ baara nibase!

Juan 21:19 Iomraidhean Croise

Mateo 10:38

Maud̶e mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Mateo 8:22

Jesusba ichimaa jarasii: —Mʉ ome wãse. Chi biuped̶aad̶aba chi biud̶arã jau b̶ud̶ai panuu.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 12:33

Maka jarasii ichi cruzd̶e jirab̶u bead̶ai kuitaabiai baita.

Juan 18:32

Judiorãba maka jaraped̶aad̶aba kuitaabiasii Jesusba ichi saka biui b̶uu jarad̶a biawãra makasii.

Juan 21:18

Mʉʉba biawãra jaraaruu: kũudrãaed̶e bichi du ab̶a paru jʉ̃bachii bichi wã kʉ̃riaruumaa wãi baita. Maamina bichi chõra b̶eeruud̶e waabenarãba bichi jua jirad̶ai paru jʉ̃bid̶ai baita. Maabae adoed̶ai bichi wã kʉ̃riawẽa b̶uumaa.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

2 Pedro 1:14

Dachi Mechiu Jesucristoba mʉʉmaa biꞌia kuitaabisii kãꞌãabariwãed̶e mʉ biui.