Juan 21:14 - Emberá Chamí

¹⁴ Mauba b̶es õbea ba b̶uasii Jesús chokae jiradusiid̶e ichi baara nibabadaurãmaa unubiaruu.

Juan 21:14 Iomraidhean Croise

Marcos 16:12

Mau maad̶akare Jesús baara nibabadaurã ome puuru awara nibasid̶au. Maarãmaa Jesusba ichi kĩra awara unubiasii.

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Juan 20:19

Maumisa ewari kiusiid̶e Jesús baara nibabadaurã deed̶a ed̶a ãbua panasid̶au. Waabenarã judiorã wapea panuud̶eeba poraa jʉ̃a nub̶usid̶au. Maka b̶uud̶e Jesús ãchi ẽsa neeped̶a jarasii: —¡Jirukaraayuwãe duanásturu!

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

Juan 21:1

Mau maad̶akare Jesusba ichi waya ichi baara nibabadaurãmaa unubisii Tiberias mar iikaa. Nakasii:

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.