Juan 20:7 - Emberá Chamí

⁷ Mau awara paru Jesús boro bʉra b̶uad̶a unusii. Mau paru waabena paru ome ãbua b̶uabasii, maumaarã awara b̶ed̶a kub̶uasii.

Juan 20:7 Iomraidhean Croise

Lucas 19:20

»Maabae ab̶a june ichi baita bari trajabarii neeped̶a jarasii: “Mʉ mechiu, bichiba chi nejarra dead̶a nama b̶uu. Mʉʉba parud̶e bʉra mera uru b̶uasii.

Juan 11:44

Ara makʉd̶e Lázaro biu b̶uad̶a awara neesii. Ichi jua, chi jʉ̃rʉ wabid̶a paruba bʉra b̶uasii. Maud̶e ichi kĩedarr paruba bʉra b̶uasii. Maud̶e Jesusba jarasii: —Enad̶aped̶a ida bʉ́isturu.

Juan 19:40

Ãchiba Jesús kakua adoed̶aped̶a mau mirra jãra kera áloe ome perad̶a paru torroad̶e posid̶au. Pod̶aped̶a ichi kakua mau paru torroaba bʉrasid̶au judiorãba naed̶e maka jau b̶ubachid̶au kĩra.

Juan 20:6

Simón Pedro ichi kaad̶e neeped̶a chob̶ead̶e ed̶a wãsii. Mau bid̶a chi kakua bʉra b̶uad̶a paru aria b̶ari b̶uu unusii.