Juan 20:23 - Emberá Chamí

²³ Ẽbẽraba kachirua waud̶a machiba Dachi Akõre Jaurid̶eeba perdonaaduubʉrã, mauba jara b̶uu Dachi Akõreba mau kachirua perdonasii. Maud̶e ẽbẽraba kachirua waud̶a machiba Dachi Akõre Jaurid̶eeba perdonad̶awẽebʉrã, mauba jara b̶uu Dachi Akõreba mau kachirua perdonawẽa b̶uu.

Juan 20:23 Iomraidhean Croise

Mateo 16:19

Puurud̶ebena llave dearuu kĩra mʉʉba bichi Dachi Akõreba ichid̶irã ichi juad̶e ua b̶uu tãed̶e chi mechiu b̶ui. Chi bichiba nau iujãad̶e ida kabiwẽe Dachi Akõre bajãad̶e b̶úbid̶a ara mau kĩra ida kabiibai. Maud̶e chi bichiba iujãad̶e ida kabi b̶uu Dachi Akõre bajãad̶e b̶úbid̶a ida kabii.

Mateo 18:18

»Mʉʉba biawãra jaraaruu: chi machiba nau iujãad̶e ida kabid̶awẽa panuu Dachi Akõre bajãad̶e b̶úbid̶a ida kabiibai. Maud̶e chi machiba nau iujãad̶e ida kabi panuu Dachi Akõre bajãad̶e b̶úbid̶a ida kabii.

Juan 20:22

Maka jaraped̶a ãchimaa jãripuaped̶a jarasii: —Dachi Akõre Jauri adáusturu.

Hechos 10:43

Joma Dachi Akõre baita berreabadaurãba mau ʉ̃rʉbena berreasid̶au. Maarãba kuitaabiasid̶au barikiuba Jesusd̶e ijãaruubʉrã, mau ẽbẽraba kachirua wau b̶uad̶a Dachi Akõreba ichid̶eeba perdonai.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

1 Corintios 5:4

Machi araa ãbua imiiduud̶e mʉ jaurid̶e machi ome b̶uai. Maud̶e Dachi Mechiu Jesusba chi poyaabarii machimaa deai,

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

1 Timoteo 1:20

Maarãd̶ebena ab̶a Himeneo basii. Maud̶e ab̶a Alejandro basii. Maarã mʉʉba Satanás juad̶e b̶usii kuitaad̶amera Dachi Akõre ʉ̃rʉbena waa kachirua berrearãad̶amera.