Juan 20:19 - Emberá Chamí

¹⁹ Maumisa ewari kiusiid̶e Jesús baara nibabadaurã deed̶a ed̶a ãbua panasid̶au. Waabenarã judiorã wapea panuud̶eeba poraa jʉ̃a nub̶usid̶au. Maka b̶uud̶e Jesús ãchi ẽsa neeped̶a jarasii: —¡Jirukaraayuwãe duanásturu!

Juan 20:19 Iomraidhean Croise

Mateo 10:13

Mau ded̶e panabadaurãba machi biꞌia irsibiiduubʉrã, mau berrea bia jaraped̶aad̶a kĩra ãchimaa ara mau kĩra wãd̶ai. Maamina biꞌia irsibid̶aabʉrã, mau berrea bia jaraped̶aad̶a kĩra maka wãd̶aabai.

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

Juan 21:1

Mau maad̶akare Jesusba ichi waya ichi baara nibabadaurãmaa unubisii Tiberias mar iikaa. Nakasii:

Juan 21:14

Mauba b̶es õbea ba b̶uasii Jesús chokae jiradusiid̶e ichi baara nibabadaurãmaa unubiaruu.

Juan 7:13

Maamina judiorã mechiurã wapea panuud̶eeba ab̶au bid̶a Jesús ʉ̃rʉbena jĩwa berread̶aka basii.

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

Romanos 15:33

Mʉʉba kʉ̃ria b̶uu chi Dachi Akõre dachi jirukaraayuwãe duanabiabarii joma machi baara b̶uai. Biꞌia b̶uu maka b̶uai.

1 Corintios 15:5

Chokae jiradusiid̶e Pedromaa unubisii. Mawãare ichiba 12 jʉrʉ adaud̶arãmaa unubiasii.

Efesios 2:14

Biawãra Cristoba dachi jirukaraayuwãe b̶usii. Ichiba judiorã, judiowãerã ome ãbua b̶usii puuru ab̶a b̶eemera. Ichi biud̶ad̶eeba dachi awara panad̶a ãbua b̶usii.

Efesios 6:23

Ãbarã, mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a machi aid̶ad̶ai chiya kʉ̃ria panad̶amera maud̶e biꞌia ijãa panad̶amera. Maud̶e mʉʉba kʉ̃ria b̶uu maarãba jirukaraayuwãe panabiad̶ai.

Filipenses 1:2

Daiba kʉ̃ria panuu Dachi Bajãad̶ebena Akõreba maud̶e Dachi Mechiu Jesucristo ãchi sõbiad̶eeba machi aid̶a panad̶ai maud̶e ãchi jirukaraayuwãe panabiad̶ai.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

Hebreos 7:2

Maabae Abrahamba chi maarã juakaa adaud̶ad̶ebena Melquisedecmaa deasii. 10 juasiiruud̶ebena ab̶a deasii. Melquisedec trʉ̃ jara b̶uu «ẽbẽrarã rey jipa nii». Maud̶e ichi «Salemd̶ebena rey» abachid̶au. Mau trʉ̃ jara b̶uu «jirukaraayuwãe b̶uai rey».

3 Juan 1:14

Isa bichi ichiad̶e wã kʉ̃ria b̶uu. Maabae ãbua berread̶ai.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.