Juan 20:15 - Emberá Chamí

¹⁵ Jesusba ichimaa id̶isii: —Wẽra, ¿sakãe jẽa b̶uma? ¿Kai jʉrʉ b̶uma? Mariaba mau ẽbẽra chi ne uud̶a nubarii basii kʉ̃risiasii. Maud̶eeba jarasii: —Bichiba Jesús kakua ãyaa adoesiibʉrã, mʉʉmaa jarase chi kakua samaa adoesma, mʉʉba jʉrʉd̶e wãi baita.

Juan 20:15 Iomraidhean Croise

Mateo 12:34

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.

Mateo 28:5

Maamina angelba wẽrarãmaa jarasii: —Wapearã́sturu. Mʉʉba kuitaa b̶uu machiba Jesús cruzd̶e jirab̶uped̶aad̶a jʉrʉ panuu.

Marcos 16:6

Mau kũudrãaba ãchimaa jarasii: —Perarã́sturu. Machiba Jesús Nazaretd̶ebena cruzd̶e jirab̶uped̶aad̶a jʉrʉ panuu. Mau chokae jiradusii. Chi jau b̶uped̶aad̶amaa ichiásturu. Nama b̶uuwãe.

Lucas 2:44

Kʉ̃risia panasid̶au Jesús ẽbẽrarã tãed̶e nii. Maka ewari ab̶a nibasid̶au. Kewaraa ichi jʉrʉsid̶aud̶e ãchi ded̶ebenarã maud̶e kõpaerorã tãed̶e unud̶aabasii. Ara makʉd̶e waya Jerusalend̶aa chi Jesús jʉrʉd̶e wãsid̶au.

Lucas 24:5

Maabae wẽrarã ãrea perad̶aped̶a daub̶ʉʉrʉ ioromaa tʉsid̶au. Maud̶e chi ẽbẽrarãba ãchimaa jarasid̶au: —¿Sakãe machiba chokae nii biud̶arã tãed̶e jʉrʉ panuma?

Juan 1:38

Jesús akarrnaa ichiasiid̶e ichi kaad̶e needuu unusii. Maabae id̶isii: —Machiba ¿kãare kʉ̃ria panuma? Maarãba jarasid̶au: —Rabí, bichi ¿sama kãi b̶uma? (Mau bed̶ea Rabí jara b̶uu “Jaradeabarii”).

Juan 18:4

Maud̶e Jesusba joma makai b̶uu kuitaa b̶uud̶eeba ãchimaa wãped̶a id̶isii: —Machiba ¿kai jʉrʉ panuma?

Juan 18:7

Maabae Jesusba waya id̶isii: —¿Kai jʉrʉ panuma? Ãchiba waya panausid̶au: —Jesús Nazaretd̶ebena.

Juan 20:13

Maarãmaa id̶isid̶au: —Wẽra, ¿sakãe jẽa b̶uma? Maabae ichiba panausii: —Mʉ Mechiu Jesús adoesid̶au. Mʉʉba adua b̶uu samaa adoesid̶au.