Juan 2:2 - Emberá Chamí

² Jesús maud̶e chi baara nibabadaurã iusid̶au mau miakãiduumaa need̶amera.

Juan 2:2 Iomraidhean Croise

Mateo 12:19

Ichi kĩru kub̶uuba berreabai maud̶e kĩrubid̶eeba b̶iabai. Maud̶eeba ab̶au bid̶a ichi berrearuu puurud̶e ũrid̶aabai.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Mateo 25:45

»Maud̶e mʉʉba panaui: “Mʉʉba biawãra jaraaruu: machiba chi kaebeu nuree aid̶ad̶aabasiid̶e mʉ sid̶a aid̶ad̶aabasii”.

Juan 2:12

Mau maad̶akare Jesús Capernaum puurud̶aa wãsii. Ichi nawe, ichi ãbarã maud̶e ichi baara nibabadaurã ichi baara ãbua wãsid̶au. Aria ãrea panad̶aabasii.

Juan 2:17

Maud̶e ichi baara nibabadaurãba kĩrabasid̶au Dachi Akõre bed̶ead̶e naka b̶ʉ kub̶uu: «Bichi de mechiu mʉʉba ãrea kʉ̃ria b̶uud̶eeba mʉ biui».

Juan 2:22

Ichi chokae jiradusiid̶e ichi baara nibabadaurãba kĩrabasid̶au ichiba maka jarad̶a bad̶a. Maud̶e ãchiba Dachi Akõre bed̶ead̶e b̶ʉ kub̶uu maud̶e Jesusba jarad̶a biawãra ijãasid̶au.

Juan 2:3

Maka panuud̶e uva b̶aa wãꞌãesiid̶eeba chi naweba Jesusmaa jarasii: —Uva b̶aa wãꞌãesii.

Juan 3:22

Mau maad̶akare Jesús maud̶e ichi baara nibabadaurã Judea druad̶aa wãsid̶au. Aria panuud̶e chi ichid̶e ijãaduu boro eakuabachii.

Juan 4:2

(Biawãra Jesusba ẽbẽrarã boro eaka basii. Ichi baara nibabadaurã́buru boro eabachid̶au).

Juan 4:33

Ichi baara nibabadaurãba ãchicha jarasid̶au: —¿Ab̶auba jãumaa chi kobii enee sãaka?

Juan 6:12

Jomaurãba jãwaa kosid̶aud̶e Jesusba ichi baara nibabadaurãmaa jarakuasii: —Chi ʉ̃rʉ b̶eed̶a joma araa pésturu ab̶a b̶istĩika bid̶a jirakuarãad̶amera.

Juan 6:16

Kiusiid̶e Jesús baara nibabadaurã mar iikaad̶aa wãsid̶au.

Juan 6:60

Mau jaradea b̶uu ũrisid̶aud̶e ãrea Jesús baara nureeba jarasid̶au: «Jãuba jarad̶a chaarea b̶uu. ¿Kaiba poyaa ijãaima?»

Juan 6:66

Maud̶eeba ãrea Jesús baara nibaped̶aad̶aba ichi ida b̶usid̶au. Waa ichi baara nibad̶aabasii.

Juan 6:67

Maud̶eeba Jesusba ichiba 12 jʉrʉ adaud̶arãmaa jarakuasii: —¿Machi sid̶a wãaduka?

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Juan 6:71

Jesusba Judas, Simón Iscariote warr ʉ̃rʉbena berrea b̶uasii. Mauba Jesús jidaubisii ichi baara nibabadaurã 12 panuud̶ebenamina.

Juan 6:8

Maud̶e chi Jesús baara nibabarii Andrés, Simón Pedro ãbaba naka jarasii:

Juan 7:3

Jesús ãbarãba ichimaa jarasid̶au: —Biꞌia b̶uu Judead̶aa wãi, chi arabena bichi baara nibabadaurãba bichiba waubarii unud̶amera.

Hechos 11:26

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 11:29

Maud̶eeba Jesusd̶e ijãabadaurã Antioquiad̶e panuu bed̶ea deasid̶au chi nejarra ãbarã Judea druad̶e nuree baita urubʉid̶ai baita. Ãchicha poyaa deaduu kĩra dead̶ai asid̶au.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 7:39

Chi wẽra mukĩra bara b̶uu chi mukĩra chokae b̶uumisa ichi ome b̶uai b̶uu. Maamina chi mukĩra biuruubʉrã, waya miakãi kʉ̃riaruubʉrã, poyaa miakãai b̶uu. Maamina ab̶aburu Dachi Mechiud̶e ijãa b̶uu ome miakãai b̶uu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

Hebreos 13:4

Jomaurãba ãchi kima wapeadee nuread̶ai panuu. Dachi Akõreba chi aud̶uabadau maud̶e junebena wẽra ome kãi b̶eebadau kastikaid̶eeba ab̶a machi kima ómeburu kãi b̶eed̶ai panuu.

Apocalipsis 3:20

¡Ũrísturu! Mʉ poraad̶e b̶uma. Awareeba iu b̶uma machiba mʉ deed̶aa ida neebid̶amera. Barikiuba mʉ mimi ũriped̶a chi poraa ewaaruubʉrã, mʉ ed̶a wãped̶a mau baara koi.