Juan 2:13 - Emberá Chamí

¹³ Judiorã Pascua ewari ʉ̃rʉ ba b̶uasii. Maud̶eeba Jesús Jerusalend̶aa wãsii.

Juan 2:13 Iomraidhean Croise

Mateo 21:12

Mau maad̶akare Jesús Dachi Akõre de mechiu dud̶aa wãsii. Aria ne kaebea nedobadaurã maud̶e nedobʉibadaurã unusiid̶e, ãchi duabʉika kob̶eesii. Aria chi nejarra nedobʉibadaurã mesa b̶ee, paloma nedobʉibadaurã akʉ paneebadau joma korekuasii.

Marcos 11:15

Jesús Jerusalend̶e waya neeped̶a Dachi Akõre de mechiu dud̶aa wãsii. Aria ne kaebea nedobadaurã maud̶e nedobʉibadaurã unusiid̶e ãchi duabʉika kob̶eesii. Aria chi nejarra nedobʉibadaurã mesa b̶ee, paloma nedobʉibadaurã akʉ paneebadau joma korekuasii.

Lucas 19:45

Jesús Dachi Akõre de mechiu dud̶a neeruud̶e ne kaebea nedobʉibadaurã unusii. Maarã joma duabʉikasii. Naka jarasii:

Lucas 2:41

Añocha Jesús akõrerã Jerusalend̶aa wãbachid̶au judiorã Pascua ewari waud̶ai baita.

Juan 11:55

Judiorã Pascua ewari ʉ̃rʉ ba b̶uasii. Mau bari panabadau ewarid̶eeba puuruchad̶ebenarã Jerusalend̶aa wãsid̶au ãchiba waubadau kĩra wau panuud̶eeba Dachi Akõre daad̶e biꞌia nuread̶ai baita.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 2:23

Judiorã Pascua ewarid̶e Jesús Jerusalend̶e b̶uasii. Maud̶e ãrea ẽbẽrarãba ne poyaa waud̶akau wausiid̶e, ãreaba ichid̶e ijãasid̶au.

Juan 5:1

Mau maad̶akare Jesús Jerusalend̶aa wãsii, aria judiorãba bari panabadau ewari waumaa panasid̶aud̶eeba.

Juan 6:4

Mau ewarid̶e judiorã Pascua ewari ʉ̃rʉ ba b̶uasii.