Juan 19:6 - Emberá Chamí

⁶ Maamina Jesús unuuduud̶e paare mechiurã maud̶e Dachi Akõre de nubadaurãba jĩwa b̶ia jarasid̶au: —¡Jãu cruzd̶e jirab̶u beabise! ¡Cruzd̶e jirab̶u beabise! Maud̶e Pilatoba jarasii: —¡Machiaburu adoed̶aped̶a cruzd̶e jirab̶u beásturu! Mʉʉmaarã, jãuba kachirua wauwẽa b̶uu.

Juan 19:6 Iomraidhean Croise

Mateo 26:58

Maabae Pedro kaitawẽeba kaad̶e niiba chi paare mechiu deemaa neesii. Chi de dud̶a ed̶a wãped̶a Dachi Akõre de nubadaurã baara ãbua akʉ b̶eesii Jesús saka waud̶ai kuitaai baita.

Mateo 27:22

Pilatoba id̶isii: —Maka b̶uubʉrã mʉʉba ¿kãare sãaima Jesús ome, chi ẽbẽrarãba Dachi Akõreba Dachi Karibabarii deai a jara panuma? Jomaurãba jarasid̶au: —¡Cruzd̶e jirab̶u beabise!

Mateo 27:24

Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Lucas 23:4

Maabae Pilatoba paare mechiurãmaa maud̶e ẽbẽrarã aria duanuumaa jarasii: —Mʉʉba unuwẽe nau ẽbẽra nebʉra bara b̶uu.

Juan 18:3

Maud̶eeba Judasba kokoroarã ãrea romad̶ebenarã maud̶e Dachi Akõre de mechiud̶ebena nubadaurã mau ne uu nub̶uud̶aa uad̶osii. Maarã chi paare mechiurã maud̶e fariseorãba Judas ome bʉisid̶au. Maarãba ʉ̃d̶aa koabarii, lámpara maud̶e miasu uru panasid̶au.

Juan 18:31

Maud̶eeba Pilatoba ãchimaa jarasii: —Machiaburu jãu adoed̶aped̶a ichiásturu ara machi leyd̶e jara b̶uu kĩra. Maud̶e judiorãba jarasid̶au: —Daiba poyaa ẽbẽra beabid̶aabai panuu. Machi Romad̶ebenarã́buru beabid̶ai panuu.

Juan 18:38

Maud̶e Pilatoba id̶isii: —¿Kãarema mau biawãra? Maka jarasiid̶e Pilato waya awara judiorãmaa wãped̶a jarasii: —Mʉʉba unuwẽe nau ẽbẽraba kãare kachirua wausii.

Juan 19:15

Maamina ãchiba jĩwa jarasid̶au: —¡Beabise! ¡Beabise! ¡Cruzd̶e jirab̶u beabise! Maud̶eeba Pilatoba jarasii: —¿Makarã mʉʉba machi rey cruzd̶e jirab̶u beabi kʉ̃ria panuka? Maabae chi paare mechiurãba panausid̶au: —¡Dai rey june wãꞌãe panuu, César Augusto awara!

Juan 19:4

Maabae Pilato waya awara judiorãmaa wãped̶a jarasii: —Ũrísturu. Mʉʉba nau ẽbẽra awara machimaa eneei, mʉʉmaarã nauba kachirua wauwẽa b̶uu kuitaad̶amera.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.