Juan 19:42 - Emberá Chamí

⁴² Mau chob̶ea ara kaita b̶uud̶eeba maud̶e judiorã bari panabadau ewari ʉ̃rʉ ba b̶uasiid̶eeba Jesús aria jau b̶usid̶au.

Juan 19:42 Iomraidhean Croise

Mateo 12:40

Jonás b̶eda mechiu b̶id̶e ewari õbea maud̶e ẽsabud̶e b̶uad̶a kĩra mʉ, chi Ẽbẽra Ba B̶uad̶a ewari õbea maud̶e ẽsabud̶e, ioro ekare b̶uai.

Juan 19:14

Judiorã Pascua ewari norema baid̶eeba ãchi ne wau panasid̶au. Ʉmada jipa baaruud̶e Pilatoba judiorãmaa jarasii: —Ichiásturu. Cha nau machi reybʉ.

Juan 19:20

Mau bed̶ea hebreo bed̶ead̶e b̶ʉsii, latín bed̶ead̶e maud̶e griego bed̶ead̶e. Ãrea judiorãba mau bed̶ea unusid̶au, Jesús cruzd̶e jirab̶uped̶aad̶a puuru kaita b̶uud̶eeba.

Juan 19:31

Judiorã Pascua ewari norema baaruud̶eeba ne wau panasid̶au. Mau bari panabadau ewari mechiud̶eeba ãchiba kʉ̃riad̶awẽa panasid̶au ẽbẽra cruzd̶e jirab̶ud̶ai. Maud̶eeba Pilatomaa id̶isid̶au cruzd̶e jirab̶u b̶ʉʉrʉsiu b̶ʉikuabimera isa biubid̶aped̶a chi kakua ed̶aa jirad̶amera.

Juan 19:41

Jesús cruzd̶e jirab̶uped̶aad̶a kaita ne uu nub̶uasii. Mau ne uu nub̶uud̶e biud̶a jau b̶ubachid̶aud̶e chob̶ea b̶uasii mo chob̶ea korod̶a wid̶i. Aria biud̶a wabid̶a jau b̶ud̶akau basii.

Hechos 13:29

Dachi Akõre kartad̶e ichi bead̶ai ʉ̃rʉbena b̶ʉped̶aad̶a joma mau maad̶akare ichi cruzd̶ebena ed̶aa adaud̶aped̶a jau b̶usid̶au.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.

Colosenses 2:12

Dachi Akõreba ichi poyaabariid̶eeba Cristo chi biud̶ad̶ebena chokae jiradubisii. Machiba Dachi Akõre maka poyaabarii nii ijãasid̶aud̶eeba boro easid̶aud̶e unubisid̶au Cristo ome jau b̶uped̶aad̶a maud̶e Dachi Akõreba machi Cristo ome chokae jiradubid̶a.