Juan 19:30 - Emberá Chamí

³⁰ Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

Juan 19:30 Iomraidhean Croise

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Mateo 27:50

Maka b̶uud̶e Jesús waya jĩwa b̶iaped̶a biusii.

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Marcos 15:37

Maka b̶uud̶e Jesús jĩwa b̶iaped̶a biusii.

Lucas 22:37

Mʉʉba jaraaruu: Dachi Akõre baita berreabariiba mʉ ʉ̃rʉbena b̶ʉd̶a biawãra makai b̶uu. Naka b̶ʉsii: “Ara mau ẽbẽra kachirua kĩra kʉ̃risia panasid̶au”. Mʉ ʉ̃rʉbena b̶ʉped̶aad̶a biawãra joma makai.

Lucas 23:46

Ara makʉd̶e Jesusba jĩwa jarasii: —Chacha, mʉ jauri bichi juad̶e b̶uuruu. Maka jaraped̶a biusii.

Juan 10:11

»Mʉ oeja nubarii bia niibʉ. Chi oeja nubarii bia nii ichi oeja kakua biui b̶uu.

Juan 10:18

Mʉʉba mʉ ida beabiwẽebʉrã ab̶au bid̶a mʉ poyaa bead̶aabai, maamina mʉ biui mʉʉba maka kʉ̃ria b̶uud̶eeba. Mʉ biuped̶a poyaa chokae jiradui. Mʉ Chachaba mʉʉmaa maka waubisii».

Juan 17:4

Bichiba mʉʉmaa nau iujãad̶e waubid̶a mʉʉba joma wausii. Maka kuitaabisii bichi chi mechiu nii.

Juan 19:28

Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Romanos 10:4

Maamina maka nuread̶ai baita, ãchi ley waubachid̶au audeara, Cristoba joma wausii. Chi Cristod̶e ijãaduu Dachi Akõreba jipa nuree unubarii.

Romanos 3:25

Dachi Akõreba Jesucristo b̶usii ichi oa chemera, dachi kachirua kakua. Mau ijãaduud̶e Dachi Akõreba dachi kachirua perdonabarii. Maka unubia b̶uu Dachi Akõre jipa nii, dachi karibai baita. Cristo neei naed̶e kachirua wauped̶aad̶a Dachi Akõreba joma dauchia jãadua b̶uud̶eeba kastikawẽa b̶uasii.

1 Corintios 5:7

Maud̶eeba masa ẽesãabibarii chi chõra ãyaa jirataaduu kĩra mau kachirua wau b̶uu machi tãed̶ebena ãyaa duabʉ́isturu. Maka machi kachiruaswãe nuread̶ai, harina wid̶i perad̶a ẽesãabibariiwãe b̶uu kĩra. Machi mau kĩra nureabiai baita, Cristo dachi kachirua kakua biusii, Egiptod̶ebena wãsid̶aud̶e oeja beaped̶aad̶a kĩra.

Filipenses 2:8

Makaaruud̶e miichuburi b̶eesii. Dachi Akõreba biui b̶uu asiid̶e ichi makasii. Cruzd̶e ãrea biꞌiwãe b̶uaped̶a biui b̶umina mau makasii.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Hebreos 9:22

Biawãra Moisesba b̶ʉd̶ad̶e jara b̶uu beraa ne joma ne kaebea oaba jĩtod̶okai b̶uu Dachi Akõre daad̶e biꞌia b̶uamera. Oa chewẽebʉrã dachiba kachirua wauped̶aad̶a Dachi Akõreba perdonaabai.