Juan 18:8 - Emberá Chamí

⁸ Maud̶e Jesusba jarasii: —Mʉʉbʉ asii. Mʉ jʉrʉ panuubʉrã, naarã ẽbẽrarã ida wãbiásturu.

Juan 18:8 Iomraidhean Croise

Mateo 26:56

Maamina joma nau wau panuu Dachi Akõre baita berreabadaurãba b̶ʉped̶aad̶a makamera. Maka b̶uud̶e joma chi ichi baara nibabadaurãba mau b̶ʉid̶aped̶a jĩichoasid̶au.

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 13:36

Simón Pedroba Jesusmaa id̶isii: —Dai Mechiu, ¿bichi samaa wãima? Maud̶e Jesusba panausii: —Anakʉd̶e mʉ wãaruumaa bichi poyaa wãabai, maamina jãad̶akare mʉ kaad̶e wãi.

Juan 16:32

Chi ewari neei b̶uad̶a neeruu. Machi joma ab̶aab̶aa jĩichoad̶aped̶a mʉ du ab̶a b̶uid̶ai. Maamina mʉ du ab̶a b̶uabai mʉ Chacha mʉ ome b̶uud̶eeba.

Juan 18:7

Maabae Jesusba waya id̶isii: —¿Kai jʉrʉ panuma? Ãchiba waya panausid̶au: —Jesús Nazaretd̶ebena.

Juan 18:9

Maka jarasii ichiba naed̶e jara b̶uasiid̶eeba: «Chacha, bichiba mʉʉmaa dead̶a ab̶a bid̶a perdeebasii». Ichiba jarad̶a kĩra biawãra makasii.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Efesios 5:25

Mukĩrarã wẽra bara nuree, machi wẽra kʉ̃riásturu, Cristoba dachi kʉ̃ria b̶uu unubid̶a kĩra. Kʉ̃riad̶eeba dachi baita ara ichi ida beabisii.

1 Pedro 5:7

Machiba ãrea kʉ̃risia panuu Dachi Akõremaa joma jarásturu, ichiba machi nu b̶uud̶eeba.