Juan 18:4 - Emberá Chamí

⁴ Maud̶e Jesusba joma makai b̶uu kuitaa b̶uud̶eeba ãchimaa wãped̶a id̶isii: —Machiba ¿kai jʉrʉ panuma?

Juan 18:4 Iomraidhean Croise

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 26:2

—Machiba kuitaa panuu ewari ome baaruud̶e Pascua ewari waud̶ai. Maud̶e ab̶auba mʉ, chi Ẽbẽra Ba B̶uad̶a jidaubii cruzd̶e jirab̶u bead̶amera.

Mateo 26:21

Komaa panuud̶e ichiba jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Mateo 26:31

Maud̶e Jesusba ãchimaa jarasii: —Nau ẽsabud̶e joma machiba mʉ b̶uid̶ai. Dachi Akõre bed̶ead̶e naka b̶ʉ kub̶uu: “Mʉʉba oeja nubarii bearuud̶e chi oejarã jĩichoad̶ai”.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 13:11

Jesusba kuitaa b̶uasii kaiba ichi jidaubii b̶uu. Maud̶eeba jarasii: «Ab̶a jeraawẽa b̶uu».

Juan 18:5

Ãchiba panausid̶au: —Jesús Nazaretd̶ebena. Jesusba jarasii: —Mʉʉbʉ. Maud̶e Judas, chi Jesús jidaubii b̶uu ãchi baara nibasii.

Juan 18:7

Maabae Jesusba waya id̶isii: —¿Kai jʉrʉ panuma? Ãchiba waya panausid̶au: —Jesús Nazaretd̶ebena.

Juan 19:28

Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Juan 6:64

Maamina machid̶ebena chi nureeba wabid̶a mʉ bed̶ea ijãad̶awẽa panuu. Jesusba maka jarasii ichiba arab̶aed̶eed̶e kuitaa b̶uad̶ad̶eeba kairãba ichi bed̶ea ijãad̶awẽa panuu, maud̶e kaiba ichi jidaubii b̶uu.

Hechos 2:28

Bichiba mʉʉmaa chi dachi chokae b̶uabibarii o unubisii, maud̶e bichi mʉ ome b̶uud̶eeba mʉ ãrea kĩrajʉʉbii”.

1 Pedro 4:1

Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.