Juan 18:15 - Emberá Chamí

¹⁵ Maud̶e Jesús baara nibabadaurã Simón Pedro maud̶e maucha ab̶a Jesús kaad̶e wãsid̶au. Chi Simón Pedro ome wãd̶a paarerã mechiuba unubachiid̶eeba ichi Jesús kaad̶e ed̶a wãsii paarerã mechiu de dud̶aa.

Juan 18:15 Iomraidhean Croise

Mateo 26:3

Maumisa paare mechiurã, Moisesba b̶ʉd̶a jaradeabadaurã maud̶e paare mechiurã Caifás de mechiud̶e ãbua panasid̶au. Mau Caifás paarerã jaradea ua b̶uabarii mechiu basii.

Marcos 14:54

Pedro kaitawẽeba kaad̶e niiba chi paare mechiu de dud̶a ed̶a wãsii. Aria akʉ b̶eesii Dachi Akõre de nubadaurã baara tʉbʉchia jãkaa kãi baita.

Lucas 22:54

Jesús jidaud̶aped̶a chi paare mechiu deemaa adoesid̶au. Pedro kaitawẽeba kaad̶e nibasii.

Juan 18:24

Maabae Anasba Jesús jua jʉ̃ b̶uu Caifasmaa bʉisii, ichi paarerã mechiu basiid̶eeba.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.