Juan 18:13 - Emberá Chamí

¹³ Naa Jesús Anás deemaa adoesid̶au. Anás Caifás chayũre basii. Maamina mau añod̶e Caifás chi paare mechiu basii.

Juan 18:13 Iomraidhean Croise

Mateo 26:3

Maumisa paare mechiurã, Moisesba b̶ʉd̶a jaradeabadaurã maud̶e paare mechiurã Caifás de mechiud̶e ãbua panasid̶au. Mau Caifás paarerã jaradea ua b̶uabarii mechiu basii.

Mateo 26:57

Maabae Jesús jidauped̶aad̶arãba ichi chi paare mechiu Caifasmaa adoesid̶au. Mau Caifás ded̶e Moisesba b̶ʉd̶a jaradeabadaurã, paare mechiurã baara araa ãbua imi nub̶uasii.

Lucas 3:2

Anás maud̶e Caifás paarerã chi mechiurã basii. Mau ewarid̶e drua sirua wãꞌãe b̶uud̶e Dachi Akõreba Juan Zacarías warrmaa berreasii.

Juan 11:49

Aria ab̶a Caifás abadau b̶uasii. Mau nau añod̶e paare mechiu basii. Mau Caifasba jarasii: —¡Machi kʉ̃risiaswãe nuree!

Juan 11:51

Caifasba ara ichi kʉ̃risiad̶eeba maka jarawẽa b̶uasii. Maumaarã ichi paare mechiu niid̶eeba Dachi Akõréburu ichimaa jarabisii Jesús joma judiorã kakua biui b̶uu.

Juan 18:24

Maabae Anasba Jesús jua jʉ̃ b̶uu Caifasmaa bʉisii, ichi paarerã mechiu basiid̶eeba.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Juan 19:11

Maud̶e Jesusba panausii: —Dachi Akõreba bichi chi Romad̶ebena karr b̶ud̶awãe basirã bichiba mʉ ab̶a bid̶a maka waubai basii. Mauburu chi mʉ bichi juad̶e dead̶aba bichi audeara kachirua aude wausii.

Hechos 4:6

Paare mechiu Ana aria b̶uasii. Maud̶e ichi ded̶ebenarã ãrea panasid̶au: Caifás, Juan, Alejandro maud̶e ichi ded̶ebenarã.