Juan 17:21 - Emberá Chamí

²¹ Chacha, bichi mʉ ome b̶uud̶eeba maud̶e mʉ bichi ome b̶uud̶eeba mʉʉba id̶i b̶uu ãchi sid̶a dachi ome chi kakua ab̶a b̶uu kĩra nuread̶amera. Maka nau iujãad̶e nureeba ijãad̶ai bichiba mʉ bʉisii.

Juan 17:21 Iomraidhean Croise

Marcos 3:24

Arab̶au druad̶ebenarã ara ãchi chiya chĩo panaaduubʉrã waa panad̶aabai.

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Juan 10:30

Mʉ, mʉ Chacha ome arab̶au nid̶au.

Juan 10:38

Maamina ichiba wau b̶uu mʉʉba wau b̶uubʉrã, mʉʉba jara b̶uu kakua machiba ijãad̶awẽa panumina mʉʉba wau b̶uu kakua ijã́sturu. Maka machiba biawãra kuitaad̶ai mʉ Chacha mʉ ome nii maud̶e mʉ, mʉ Chacha ome nii.

Juan 11:42

Mʉʉba kuitaa b̶uu bichiba mʉ bed̶ea ũri b̶uabarii, maamina mʉʉba nau jarasii naarã ẽbẽrarãba kuitaad̶amera bichiaburu mʉ bʉisii.

Juan 13:32

Mʉ, chi Ẽbẽra Ba B̶uad̶aba Dachi Akõre chi mechiu nii unubiiruu, Dachi Akõreba mʉ arab̶aud̶e chi mechiu unubii. Ichiba kãꞌãabariwãed̶e mau unubii.

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

Juan 17:11

»Mʉ nau iujãad̶e b̶uawẽe maamina maarã wabid̶a nau iujãad̶e panad̶ai. Chacha, bichi ãrea biꞌia nii. Mʉ bichimaa wãaruud̶eeba bichi poyaad̶eeba maarã ãrea nukua b̶uase. Bichi trʉ̃d̶eeba, mʉʉmaa mau poyaabarii deasii, ãchi kakua ab̶a nii kĩra nuread̶amera, dachi kakua ara ab̶a nii kĩra.

Juan 17:18

Bichiba mʉ nau iujãad̶ebenarã tãed̶e bʉid̶a kĩra mʉa bid̶a maarã nau iujãad̶ebenarã tãed̶e bʉiruu.

Juan 17:20

»Mʉʉba ãchi báitaburu id̶iwẽa b̶uu. Maumaarã maarã chi mʉ bed̶ea jaraaduud̶e ijãaduu baita id̶i b̶uu.

Juan 17:25

Chacha, bichi jipa nii. Nau iujãad̶ebenarãba bichi unud̶akau, maamina mʉʉba bichi unubarii. Maud̶e cha duanuu bid̶a kuitaa panuu bichiba mʉ bʉisii.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 17:8

Bichiba mʉʉmaa jarad̶a mʉʉba maarãmaa jaradeasii. Maarãba mau bed̶ea ijãasid̶au. Maud̶eeba kuitaa panuu biawãra mʉ bichid̶ebena neesii. Biawãra ijãa panuu bichiba mʉ bʉisii.

Juan 3:17

Dachi Akõreba ichi Warr nau iujãad̶aa bʉibasii ẽbẽrarã kastikamera maumaarã bʉisii karibakuamera.

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Hechos 4:32

Mau ewarid̶e chi Jesusd̶e ijãabadaurã arab̶au kʉ̃risiad̶eeba, arab̶au sõd̶eeba ãbua biꞌia duanabachid̶au. Ab̶au bid̶a ãchi ne kaebea uru panuu ãchi báitaburu b̶uu ad̶aka basii, maumaarã bari jomaurã báitaburu basii.

Romanos 12:5

Ara mau kĩra dachi ãrea panumina, Cristo ome panuud̶eeba kakua ab̶aburu nii kĩra panuu. Maka dachi joma kakua ab̶ad̶e ãbua panuu.

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

1 Corintios 12:12

Dachi kakua ab̶a b̶umina dachi kakuad̶e joma uru panuu. Cristo ichi ijãabadaurã ome ara mau kĩra panuu.

1 Corintios 6:17

Maamina Dachi Mechiu ome ãbua b̶uu ichi ome jauri ab̶a b̶uu kĩra nuree.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

1 Juan 5:7

Maud̶e bajãad̶e õbea panuuba mau biawãra arab̶aud̶e jara panuu; Dachi Bajãad̶ebena Akõreba maka jara b̶uu, chi «Bed̶ea» abadauba maka jara b̶uu maud̶e ichi Jauriba maka jara b̶uu. Mau õbea panuu ab̶aburubʉ.