Juan 17:2 - Emberá Chamí

² Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 17:2 Iomraidhean Croise

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 17:6

»Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Juan 17:9

»Mʉʉba bichimaa id̶ii maarã karibamera. Mʉʉba bichimaa id̶iwẽa b̶uu nau iujãad̶ebenarã baita. Maumaarã bichiba mʉʉmaa dead̶arã báitaburu id̶i b̶uu, maarã bichid̶id̶eeba.

Juan 3:35

Dachi Akõreba ichi Warr kʉ̃ria uru b̶uu; maud̶eeba ne joma deasii ichi juad̶e uru b̶uamera.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Juan 6:39

Mʉ bʉid̶aba kʉ̃ria b̶uu ichiba mʉʉmaa dead̶arã ab̶a bid̶a wãꞌãerãad̶amera. Kʉ̃ria b̶uu nau baribai ewarid̶e mʉʉba joma ãchi chokae jiradubiai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

1 Corintios 15:25

Biawãra Cristo jomaurã Mechiu b̶uai b̶uu ab̶a joma ichi kĩramaabadaurã poyaaruud̶aa.

Efesios 1:20

Dachi Akõreba Cristo biu b̶uad̶a chokae jiradubiped̶a bajãad̶e ichi jua biare akʉ b̶eebisii.

Filipenses 2:10

Maka joma bajãad̶e nuree, nau iujãad̶e nuree maud̶e biud̶arã panabadaud̶e nuree Jesús daad̶e õdarrd̶e kopaneed̶ai.

1 Timoteo 1:16

Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

Hebreos 1:2

Maamina nau kaad̶ebena ewarid̶e ichi Warrd̶eeba dachimaa berreasii. Ichi Warrd̶eeba Dachi Akõreba joma wausii maud̶e mau b̶usii joma uru b̶uamera.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

1 Juan 1:2

Mau chokae nibabiabarii Dachi Akõreba nau iujãad̶e unubiasii. Daiba mau unusid̶aud̶eeba mau ʉ̃rʉbena biawãra berrea panuu. Daiba machimaa jara panuu mau chi ewaricha chokae nibabiabarii. Arab̶aed̶eed̶e ichi Akõre ome bajãad̶e b̶uabachii. Mau bajãad̶e b̶uad̶a Dachi Akõreba daimaa nau iujãad̶e unubiasii.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Judas 1:21

Dachi Akõre kʉ̃riad̶eeba nibásturu. Dachi Mechiu Jesucristoba kĩra chuburia b̶uud̶eeba ewaricha chokae nibabiad̶ai esed̶au panásturu.