Juan 16:7 - Emberá Chamí

⁷ Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 16:7 Iomraidhean Croise

Lucas 24:49

Biawãra mʉʉba machimaa mʉ Chachaba ichi Jauri deai jarad̶a bʉi. Maud̶eeba machi nama Jerusalend̶e panásturu ab̶a ichi bajãad̶ebena poyaabarii adauduud̶aa.

Lucas 4:25

Kĩrabásturu, Elías b̶uasii ewarid̶e Israel druad̶e pẽdrãarã ãrea panasid̶au. Mau ewarid̶e año õbea y medio kui chewẽa b̶uasiid̶eeba jarrba ãrea wausid̶au.

Lucas 9:27

Mʉʉba biawãra jaraaruu: chi nuree nama panuu biud̶ai naed̶e Dachi Akõreba ichid̶irã ichi juad̶e ua b̶uu unud̶ai.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 14:28

Mʉʉba machimaa jarasii mʉ wãaruu maud̶e waya machi baara b̶uad̶e neei. Machiba mʉ biawãra kʉ̃ria panasirã kĩrajʉʉd̶ai basii mʉ Chachamaa wãaruu kakua. Ichi mʉ audeara chi mechiu niid̶eeba mʉ waya b̶ui mʉ naed̶e b̶uad̶amaa.

Juan 14:3

Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

Juan 15:26

»Dachi Akõre Jauri, chi machi Aid̶abarii neei. Mauba biawãra bed̶ea jarabarii. Mʉʉba mau mʉ Chacha b̶uabariimarebena bʉisiid̶e mauba mʉ ʉ̃rʉbena machimaa berreai.

Juan 16:8

Dachi Akõre Jauri neeruud̶e nau iujãad̶ebenarãmaa kuitaabiai kai chi kachirua waubarii, kai chi jipa nii maud̶e kai nebʉra wauped̶a nii. Kuitaabiai ãchiba joma mau arakʉd̶e kʉ̃risiad̶awẽa panuu.

Juan 7:39

Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

Hechos 10:34

Maud̶e Pedroba jarasii: —Biawãra ʉ̃raburu mʉʉba kuitaaruu Dachi Akõreba ab̶a chi ab̶au aude kʉ̃riakau.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.