Juan 16:2 - Emberá Chamí

² Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 16:2 Iomraidhean Croise

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Juan 12:42

Isaiasba maka b̶ʉsmina ãrea judiorã maud̶e paare mechiurãba Jesusd̶e ijãasid̶au. Maamina waabenarãmaa mau jarad̶aabasii. Wapea panasid̶au fariseorãba ãchi araa ãbua imibadau ded̶ebena duabʉid̶ai.

Juan 16:25

»Mʉʉba ne jara b̶uud̶eeba mau machimaa jarasii, maamina ewari ab̶a mʉ waa nebʉrʉ b̶uud̶eeba berreabai. Maumaarã mʉ Chacha ʉ̃rʉbena arakʉd̶e jarai.

Juan 16:32

Chi ewari neei b̶uad̶a neeruu. Machi joma ab̶aab̶aa jĩichoad̶aped̶a mʉ du ab̶a b̶uid̶ai. Maamina mʉ du ab̶a b̶uabai mʉ Chacha mʉ ome b̶uud̶eeba.

Juan 4:21

Jesusba panausii: —Mʉʉba jara b̶uu ijãase. Ewari ab̶a neeruud̶e machiba biawãra Dachi Akõremaa biꞌia berread̶ai. Maamina maka waud̶aabai nau ead̶e maebʉrã Jerusalend̶e bid̶a.

Juan 4:23

Maamina chi ewari neei b̶uad̶a neesii. Id̶ibae Dachi Akõreba kʉ̃ria b̶uu ẽbẽrarãba chi nureemarebenad̶eeba ichimaa ichi Jaurid̶eeba biꞌia berread̶ai maud̶e biawãra kuitaa panuud̶eeba. Ab̶a makaburu ichimaa arakʉd̶e biꞌia berread̶ai.

Juan 9:22

Ichi akõrerãba maka jarasid̶au judiorã karrarã wapea panuud̶eeba. Biawãra mau judiorãba jarasid̶au ab̶auba Jesús chi Dachi Akõreba Dachi Karibabarii deai jarad̶a a jaraaruubʉrã chi judiorã araa ãbua imibadau ded̶ebena ãyaa bʉid̶ai asid̶au.

Juan 9:34

Maud̶e judiorã mechiurãba ichi iadaasid̶au: —Bichi adaud̶ad̶eed̶ebena kachirua waubarii. ¿Saka daimaa ne jaradeaima? Maud̶eeba ichi chi judiorã araa ãbua imibadau ded̶ebena ãyaa bʉisid̶au.

Hechos 5:33

Judiorã mechiurãba mau ũrisid̶aud̶e, ãrea kĩrud̶aped̶a Jesusba bʉid̶arã kenad̶ai kʉ̃riasid̶au.

Hechos 7:56

Naka jarasii: —¡Ichiásturu! ¡Mʉʉba bajãa ewa nub̶uu unu b̶uu! ¡chi Ẽbẽra Ba B̶uad̶a Dachi Akõre jua biare akʉ nub̶uu unu b̶uu!

1 Corintios 4:13

Setad̶eeba daimaa kachirua jaraaduud̶e bed̶ea biad̶eeba panaubadau. Id̶ibaed̶aa ẽbẽrarãba dai nejarr kĩra unubadau maud̶e ne miadaa kĩra unubadau.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

Apocalipsis 6:9

Mau maad̶akare Oeja Kaebe Niiba chi wãa kub̶uu maucha oetasiid̶e mʉʉba unusii chi Dachi Akõre bed̶ea jaradea panuu kakua beaped̶aad̶a jaurirã. Maarã bajãad̶e chi ãnimara baa deabadau jãkaa panasid̶au.