Juan 16:19 - Emberá Chamí

¹⁹ Jesusba kuitaasii ãchiba mau ʉ̃rʉbena id̶i kʉ̃ria panuu. Maud̶eeba jarasii: —Mʉʉba machimaa jarasii kãꞌãabariwãed̶e mʉ unud̶aabai maamina nau maad̶akare waya kãꞌãabariwãed̶e mʉ unud̶ai. ¿Mau ʉ̃rʉbena machi chiya id̶i panuuwãeka?

Juan 16:19 Iomraidhean Croise

Mateo 9:4

Maamina ãchiba kʉ̃risia panuu Jesusba kuitaasii. Maud̶eeba jarasii: —Machiba ¿sakãe kachirua kʉ̃risia panuma?

Marcos 9:32

Maamina ãchiba Jesusba maka berread̶a kuitaad̶aabasii. Ichimaa id̶id̶ai wapea panasid̶au.

Juan 13:33

Machi mʉ warrarãd̶eeba mʉʉba jaraaruu: mʉ machi baara kãꞌãa b̶uabai. Mʉʉba judiorã mechiurãmaa jarad̶a kĩra jãabae anakʉd̶e machimaa jaraaruu: machiba mʉ jʉrʉd̶ai, maamina mʉ wãaruumaa poyaa wãd̶aabai.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 16:16

»Kãꞌãabariwãed̶e machiba mʉ makaa unud̶aabai, maamina nau maad̶akare waya kãꞌãabariwãed̶e mʉ unud̶ai.

Juan 16:18

Mau bed̶ea “kãꞌãabariwãed̶e” a b̶uuba ¿kãare jara b̶uma? Dachiba adua panuu kãare ʉ̃rʉbena berrea b̶uu.

Juan 16:23

Mau ewarid̶e machi ab̶au bid̶a mʉʉmaa waa id̶id̶aabai. Mʉʉba biawãra jaraaruu: machiba mʉ Chachamaa mʉ trʉ̃d̶eeba id̶iiduu ichiba deai.

Juan 16:26

Mau ewarid̶e machiba mʉ trʉ̃d̶eeba Dachi Akõremaa id̶id̶ai. Mʉ machi baita Dachi Akõremaa ne id̶iibai,

Juan 16:30

Ʉ̃raburu daiba kuitaaduu bichiba ne joma kuitaa nii. Daiba id̶id̶ai naed̶e bichiba saka panaui kuitaa b̶uu. Maud̶eeba kuitaa panuu bichi Dachi Akõred̶ebena neesii.

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Juan 6:61

Jesusba kuitaasii ichiba jaradead̶a ʉ̃rʉbena ãchi maka kachirua berrea panuu. Maud̶eeba jarasii: —Machimaarã, mʉʉba jaradead̶a ¿chaarea b̶uka?

Juan 7:33

Maka panuud̶e Jesusba ẽbẽrarãmaa jarasii: —Mʉ machi ome ãrea b̶uawẽe. Jãad̶akare mʉ waya wãi chi mʉ bʉid̶a b̶uabariimaa.

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.