Juan 15:8 - Emberá Chamí

⁸ Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

Juan 15:8 Iomraidhean Croise

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Mateo 5:44

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

Juan 15:5

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Juan 8:31

Maabae Jesusba judiorã ichid̶e ijãaduurãmaa jarasii: —Machiba mʉ bed̶ea ijãa panuubʉrã, biawãra mʉ baara nibabadaurã nuread̶ai.

1 Corintios 10:31

Maamina mʉʉba jaraaruu: machi komaa panuud̶e maud̶e waumaa panuud̶e joma wáusturu ẽbẽrarãba Dachi Akõre ʉ̃rʉbena biꞌia jarad̶amera.

1 Corintios 6:20

Dachi Akõreba machi nedosii. Dachi Akõred̶ed̶eeba machi kakuad̶e maud̶e jaurid̶e kĩra jipa panásturu.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Tito 2:10

Ãchi jaradea ua b̶uabariid̶e chiruad̶aabai panuu, maumaarã unubid̶ai panuu ãchiba ne joma jipa wau panuu. Maka ẽbẽrarãba kuitaad̶ai Dachi Akõre Karibabarii bed̶ea ãrea biꞌia b̶uu.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.