Juan 15:7 - Emberá Chamí

⁷ »Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Juan 15:7 Iomraidhean Croise

Mateo 7:7

»Machiba wãꞌãe panuu Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

Juan 14:13

Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 16:23

Mau ewarid̶e machi ab̶au bid̶a mʉʉmaa waa id̶id̶aabai. Mʉʉba biawãra jaraaruu: machiba mʉ Chachamaa mʉ trʉ̃d̶eeba id̶iiduu ichiba deai.

Juan 8:31

Maabae Jesusba judiorã ichid̶e ijãaduurãmaa jarasii: —Machiba mʉ bed̶ea ijãa panuubʉrã, biawãra mʉ baara nibabadaurã nuread̶ai.

Juan 8:37

Mʉʉba kuitaa b̶uu machi Abrahamd̶ebena imiped̶aad̶a, maamina mʉ bea kʉ̃ria panuu mʉ bed̶ea ijãad̶awẽa panuud̶eeba.

Gálatas 4:2

Chi kaebe nii warr ichi nubadaurã juad̶e b̶uu, maud̶e ichi akõred̶e adaui b̶uu chi nureerãba nubadau ab̶a chi akõreba jarad̶a ewarid̶aa.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

1 Juan 2:14

Akõrerã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu ãrea ijãa panuud̶eeba, Dachi Akõre bed̶ea machi sõd̶e b̶uud̶eeba, maud̶e jʉbawãe nii poyaasid̶aud̶eeba.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.

1 Juan 5:14

Dachi Akõreba kʉ̃ria b̶uu kĩra dachiba ʉtaa id̶iiduubʉrã, kuitaa panuu ichiba ũribarii. Maud̶eeba ne wapeawẽa ichimaa ʉtaa id̶id̶ai panuu.