Juan 15:5 - Emberá Chamí

⁵ »Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Juan 15:5 Iomraidhean Croise

Mateo 13:21

Maamina chi karr ãrea jidauwẽa b̶uud̶eeba ãrea dauchia jãadua b̶uakau. Ewari kachirua b̶aeruud̶e maebʉrã Dachi Akõre bed̶ea ijãa b̶uud̶eeba ẽbẽrarãba kachirua wauduud̶e ichiba ijãa b̶uu ida b̶ubarii.

Juan 12:24

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 5:19

Maabae Jesusba ãchimaa jarasii: «Mʉʉba biawãra jaraaruu: mʉ, Dachi Akõre Warrba ara mʉ du ab̶auba poyaa waubai. Maamina mʉʉba unu b̶uu mʉ Chachaba wau b̶uu. Joma mʉ Chachaba wau b̶uu mʉa bid̶a wau b̶uu.

Juan 9:33

Nau ẽbẽra Dachi Akõred̶ebenawãe basirã, poyaa waubai basii.

Hechos 4:12

Maud̶eeba Jesucristod̶éburu ijãaduubʉrã, Dachi Akõreba dachi kastikaabai dachiba kachirua wauped̶aad̶a kakua. Ichi awara, Dachi Akõreba ab̶a bid̶a nau iujãad̶e b̶uubasii ẽbẽrarã karibamera.

Romanos 12:5

Ara mau kĩra dachi ãrea panumina, Cristo ome panuud̶eeba kakua ab̶aburu nii kĩra panuu. Maka dachi joma kakua ab̶ad̶e ãbua panuu.

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Romanos 7:4

Ãbarã, ara mau kĩra machi Cristo baara panuud̶eeba ichi biud̶akare, Moisesba b̶ʉd̶ad̶eeba biusid̶au. Jãabae machi Cristod̶erãd̶eeba, Dachi Akõre baita poyaa biꞌia waud̶ai.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

1 Corintios 12:12

Dachi kakua ab̶a b̶umina dachi kakuad̶e joma uru panuu. Cristo ichi ijãabadaurã ome ara mau kĩra panuu.

1 Corintios 12:27

Ara mau kĩra machi joma ara chi Cristo kakua kĩra nuree. Machi ichi kakuad̶ebenarãbʉ.

2 Corintios 13:8

Daiba chi biawãra bed̶ea poyaa kĩra awara waud̶aabai, maumaarã chi biawãra bed̶ea joma waud̶ai panuu.

2 Corintios 9:10

Dachi Akõreba netaa deabarii uud̶amera. Kod̶ai baita bid̶a deabarii. Netaa ãrea deabarii kĩra uud̶amera, ichiba joma ãrea machimaa deai waabenarã ãrea aid̶ad̶amera. Maud̶e jipa wau panuud̶eeba ne biꞌia ãrea unud̶ai, ne uud̶a ãrea chaubarii kĩra.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 5:9

Ʉ̃d̶aad̶e nibaaruubʉrã sõbia nuread̶ai, jipa waud̶ai maud̶e biawãrad̶eeba nibad̶ai.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Filipenses 4:17

Mʉʉba id̶iwẽa b̶uu machiba ne urubʉid̶amera, maumaarã kʉ̃ria b̶uu biꞌia wau panuud̶eeba Dachi Akõreba machi biꞌia aid̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

1 Pedro 2:4

Dachi Mechiu Jesucristomaa nésturu. Ichi chokae b̶uu, de waui baitabena mo kĩra b̶uu. Ẽbẽrarãba ichi ida b̶usid̶au, maamina Dachi Akõreba mo bia maud̶e chi mau nejarr ãrea id̶ibadau jʉrʉ adausii.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.