Juan 15:25 - Emberá Chamí

²⁵ Maka panuu ãchi leyd̶e jara b̶uu kĩra. Naka jara b̶uu: “Ãchi kʉ̃riaba mʉ kĩramaabachid̶au”.

Juan 15:25 Iomraidhean Croise

Mateo 10:8

Maud̶eeba ẽpermo nuree aribiabiásturu, biuped̶aad̶a chokae jiradubiásturu, kakua chau nuree aribiabiásturu, jai kachirua awara duabʉ́isturu. Maka waud̶amera mʉʉba machimaa chi poyaabarii bari dearuu. Maud̶eeba ẽbẽrarã bari karibásturu.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Juan 10:34

Jesusba jarasii: —Machi Moisesba b̶ʉd̶ad̶e naka b̶ʉ kub̶uu: “Mʉʉba jarasii machi dachi akõrerã”.

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Juan 19:36

Joma mau biawãra makasii Dachi Akõre bed̶ead̶e b̶ʉ kub̶uu kĩra. Naka b̶ʉ kub̶uu: «Ichi b̶ʉʉrʉ ab̶a bid̶a b̶ʉitad̶aabai».

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Romanos 3:24

Maamina Dachi Akõreba ichi sõbiad̶eeba ẽbẽra ab̶a chi ichid̶irã jipa nuree baara duanubarii, ne kaebea bari dearuu kĩra. Maka unubarii Jesucristoba kachiruad̶ebena karibasiid̶eeba.

2 Corintios 11:7

Mʉʉba chi bed̶ea bia Dachi Akõre ʉ̃rʉbena machimaa chi nejarra id̶iyuswãe jaradeasiid̶eeba mʉ machi daad̶e kaebeu kĩra b̶eesii Dachi Akõre ome biꞌia nuread̶amera. ¿Makarã kachirua wauska?

Gálatas 2:21

Dachi Akõreba ichi sõbiad̶eeba waud̶a mʉʉba ida b̶uwẽe. Moisesba b̶ʉd̶a wau panuud̶eeba chi jipa nuree baara panasirã, Cristo bari biui basii.

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.

Apocalipsis 21:6

Maud̶e mʉʉmaa naka jarasii: «Jãabae mau joma wau kub̶uu. Mʉ chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Bari obisia b̶uubʉrã, mʉʉba iorod̶e bania bumadru b̶uud̶ebena bari dobiai. Mau baniaba ewaricha chokae nibabiabarii.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.