Juan 15:11 - Emberá Chamí

¹¹ »Joma mau mʉʉba jara b̶uu, machi mʉ baara ãrea kĩrajʉʉ nuread̶amera.

Juan 15:11 Iomraidhean Croise

Lucas 15:23

Maabae paka warr chi aude borea nii beásturu kod̶ai baita. ¡Kĩrajʉ́duru! Mʉ warr biu b̶uad̶a chokae jiradusii; barikiad̶e wã b̶uad̶a dachiba waya unusid̶au”. Maabae ãrea kĩrajʉʉ duaneesid̶au.

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Lucas 15:5

Unuuruud̶e ichi opeed̶ed̶e adauped̶a ãrea kĩrajʉʉ deed̶aa adooi. Maabae ichi chi kõpaerorã maud̶e ichi kaita panabadaurã iukuaped̶a jaraaruu: “Machi mʉ ome kĩrajʉ́sturu. Mʉ oeja barikiad̶e wãd̶a unusii”.

Lucas 15:9

Unuuruud̶e ichi kõpaerorã maud̶e ichi kaita panabadaurã iukuaped̶a jaraaruu: “Nésturu, mʉ ome kĩrajʉ́sturu. Mʉ chi sẽetao ãi b̶ae b̶uad̶a unusii”.

Juan 16:24

Machiba wabid̶a Dachi Akõremaa ab̶au bid̶a mʉ trʉ̃d̶eeba id̶id̶awẽa panuu. Maamina maka id̶iiduubʉrã adaud̶ai. Maka machi ãrea kĩrajʉʉ nuread̶ai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 17:13

»Jãabáeburu mʉ bichimaa wãi. Maamina mʉ wabid̶a nau iujãad̶e b̶uud̶e joma chi mʉʉba anakʉd̶e ʉtaa id̶id̶a mau jaraaruu. Maka mʉ bichi ome kĩrajʉʉ b̶uu kĩra ãchi sid̶a ãrea kĩrajʉʉ panad̶ai.

Juan 3:29

Miakãiduud̶e chi wẽra adauruu chi aude mechiu nii. Maamina ichi kõpaero ichi jãkaa b̶uu kĩrajʉʉ b̶uu, ichi berrearuu ũri b̶uud̶eeba. Ara mau kĩra mʉ kĩrajʉʉ b̶uu ichi nama b̶uud̶eeba.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

Efesios 5:18

Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

Filipenses 1:25

Maud̶eeba kuitaa b̶uu machi aid̶ai baita mʉ wabid̶a chokae b̶uai maud̶e waya machi ome ãbua b̶uai. Maka machiba Cristod̶e biꞌia ijãa panuud̶eeba kĩrajʉʉ panad̶ai.

1 Tesalonicenses 5:16

Jomad̶e kĩrajʉʉ panásturu.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Juan 1:4

Joma mau daiba b̶ʉmaa panuu dachi ãrea kĩrajʉʉd̶ai baita.

2 Juan 1:12

Mʉʉba machimaa ãrea jara kʉ̃ria b̶umina nau kartad̶e joma b̶ʉwẽma. Mʉʉba machi ichiad̶e wã kʉ̃ria b̶uu. Maud̶e machi ome ãbua berread̶ai ãrea kĩrajʉʉd̶ai baita.