Juan 14:6 - Emberá Chamí

⁶ Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 14:6 Iomraidhean Croise

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Juan 1:4

Mau bed̶eaba chokae b̶uai dead̶akasii. Mau ʉ̃d̶aa kĩra b̶uasii, ẽbẽrarãmaa ichi ʉ̃rʉbena kuitaabiai b̶uud̶eeba.

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Juan 10:7

Maud̶eeba Jesusba naka jarasii: «Mʉʉba biawãra jaraaruu, mʉ chi oeja ed̶a wãbadau poraa.

Juan 10:9

»Mʉ chi poraabʉ. Chi mʉʉd̶eeba ed̶a wãaruu kachiruad̶ebena karibai. Ãrea jirukaraayuwãe b̶uai, ichiba wãꞌãe b̶uu Dachi Akõreba joma deaid̶eeba.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 15:1

»Mʉ chi uva bakuru biawãrabʉ. Mʉ Chacha mau nubariibʉ.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 6:33

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 6:57

Mʉ Chacha chokae b̶uabariiba mʉ bʉisii. Ara mau kĩra chi mʉ kooruu mʉʉd̶eeba chokae b̶uai.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Juan 8:32

Mʉʉd̶eeba machiba Dachi Akõre biawãra kuitaad̶ai. Mauba machi chi chibari baita bari trajabadaurã nuread̶a karibakuai.

Juan 8:51

Mʉʉba biawãra jaraaruu, chi mʉ bed̶ea ijãa nii biukaraa nibai.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hechos 4:12

Maud̶eeba Jesucristod̶éburu ijãaduubʉrã, Dachi Akõreba dachi kastikaabai dachiba kachirua wauped̶aad̶a kakua. Ichi awara, Dachi Akõreba ab̶a bid̶a nau iujãad̶e b̶uubasii ẽbẽrarã karibamera.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Romanos 5:21

Biawãra ẽbẽrarãba kachirua waubadaud̶eeba biubadau. Maamina Dachi Akõreba ichi sõbiad̶eeba ẽbẽrarã chi ichid̶irã jipa nuree baara duanubarii Dachi Mechiu Jesucristod̶eeba ewaricha ichi ome chokae panad̶amera.

1 Corintios 15:45

Dachi Akõre bed̶ead̶e b̶ʉ kub̶uu: «Chi nabena ẽbẽra Adán abadau Dachi Akõreba chokae b̶uabisii». Maamina Cristo chi kaad̶ebena Adán abadau b̶usii ichi jaurid̶eeba chokae b̶uai deamera.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Colosenses 2:17

Dachi Akõreba joma mau waui b̶uad̶a tõroroa unubi b̶uasii. Maamina ichiba waui jarad̶a Cristod̶eeba joma wausii.

Colosenses 2:9

Cristo ẽbẽra kakuad̶e biawãra Dachi Akõrebʉ.

Colosenses 3:4

Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Hebreos 9:8

Maud̶eeba Dachi Akõre Jauriba kuitaabi b̶uasii paarerãba wabid̶a Dachi Akõre de nau iujãad̶e b̶uud̶e ne waud̶ai panuumisa ẽbẽrarã wabid̶a Dachi Akõre de bajãad̶e b̶uud̶e poyaa ed̶a wãd̶aabai.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Pedro 2:4

Dachi Mechiu Jesucristomaa nésturu. Ichi chokae b̶uu, de waui baitabena mo kĩra b̶uu. Ẽbẽrarãba ichi ida b̶usid̶au, maamina Dachi Akõreba mo bia maud̶e chi mau nejarr ãrea id̶ibadau jʉrʉ adausii.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Juan 1:8

Dachi kachiruaswãe panuu a panuubʉrã, ara dachi du ab̶a setaa jara panuu maud̶e biawãra bed̶ea adua panuu.

1 Juan 2:23

Chi Dachi Akõre Warr kʉ̃riawẽa b̶uuba Dachi Bajãad̶ebena Akõre uru b̶uuwãe. Chi Jesús Dachi Akõre Warr a b̶uuba Dachi Bajãad̶ebena Akõre sid̶a uru b̶uu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

1 Juan 5:6

Mau ara ichi Jesucristo, chi nau iujãad̶aa neeped̶a baniad̶e boro eabid̶a maud̶e ichi oa cruzd̶e ched̶abʉ. Nau iujãad̶aa neeped̶a baniad̶éburu boro eabasii, maumaarã ichi oa sid̶a cruzd̶e chesii. Dachi Akõre Jauriba kuitaabia b̶uu mau biawãra, ichiba chi biawãra bed̶ea kuitaabiabariid̶eeba.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 19:11

Maad̶akare mʉʉba bajãad̶e poraa ewa nub̶uu unusii. Ara makʉd̶e mura torr neesii. Mau mura ʉ̃rʉ akʉ b̶uu trʉ̃ jarabadau Chi Jarad̶a Kĩra Waubarii maud̶e Chi Biawãra abadau. Mauba ẽbẽrarã jipa ichiabarii maud̶e jipa wau b̶uud̶eeba chi kĩramaa panabadau ome chĩobarii.

Apocalipsis 20:15

Chi ẽbẽrarã trʉ̃ chi ewaricha chokae duanabarii kartad̶e wãꞌãerã Dachi Akõreba mau ea chob̶ead̶e azufre bara aoko nub̶uud̶e jiratasii.

Apocalipsis 22:1

Mau maad̶akare angelba do pawãraa b̶uu mʉʉmaa unubisii. Biirio kĩra dod̶aa b̶uasii. Mau baniaba ewaricha chokae b̶uai deabarii. Dachi Akõre maud̶e Oeja Kaebe Nii rey ãkau bia b̶uareeba mau do puurud̶ebena o jõparrea b̶uu ẽsa eab̶ari b̶uu. Mau do kĩarecha bakuru chi jõo ewaricha chokae b̶uai deabarii poe basii. Añod̶e b̶es 12 ome chaubarii, jed̶ako ewaricha chaubariid̶eeba. Chi kiruu ʉrrmid̶ia kĩra b̶uu, druachabenarã jaiswãe panad̶amera.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Apocalipsis 3:14

»Chi Laodicea puurud̶ebena ijãabadaurã nubarii ángel baita kartad̶e naka b̶ʉse: »Biawãra Bed̶ea trʉ̃ jarabadauba Dachi Akõred̶ebena biawãra joma arakʉd̶e jarabarii. Ichid̶eeba Dachi Akõreba ne joma wausii. Ichiba naka jara b̶uu:

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.