Juan 14:3 - Emberá Chamí

³ Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

Juan 14:3 Iomraidhean Croise

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 14:28

Mʉʉba machimaa jarasii mʉ wãaruu maud̶e waya machi baara b̶uad̶e neei. Machiba mʉ biawãra kʉ̃ria panasirã kĩrajʉʉd̶ai basii mʉ Chachamaa wãaruu kakua. Ichi mʉ audeara chi mechiu niid̶eeba mʉ waya b̶ui mʉ naed̶e b̶uad̶amaa.

Juan 14:4

Machiba kuitaa panuu mʉ samaa wãaruu. Chi o sid̶a kuitaa panuu.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Hechos 1:11

Mau ẽbẽraba naka jarasid̶au: —Machi Galilead̶ebena, ¿sakãe bajãad̶aa ichia panuma? Jesús machi baara b̶uad̶a bajãad̶aa wãd̶a waya neei ichi bajãad̶aa wãd̶a kĩra.

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Filipenses 1:23

Chaarea b̶uu jarai baita mau omed̶ebena sãu aude biꞌia b̶uu. Mʉʉmaarã biꞌia b̶uu biui, Cristo ome b̶uai baita.

2 Tesalonicenses 1:12

Makarã machid̶eeba jomaurãba Dachi Mechiu Jesucristo ʉ̃rʉbena biꞌia jarad̶ai maud̶e ichid̶eeba machi ʉ̃rʉbena biꞌia jarad̶ai, Dachi Akõreba maud̶e Dachi Mechiu Jesucristoba ãchi sõbiad̶eeba aid̶a panuud̶eeba.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Apocalipsis 3:21

Mʉʉba chi kachirua waui poyaasiid̶eeba Dachi Akõre baara ichi rey ãkaud̶e akʉ b̶eesii. Ara mau kĩra chi kachirua waui poyaaped̶aad̶a mʉ baara mʉ rey ãkaud̶e akʉ b̶eebiai.