Juan 14:20 - Emberá Chamí

²⁰ Mʉ neeruud̶e machiba kuitaad̶ai mʉ, mʉ Chacha ome b̶uu, machi mʉ baara panuu maud̶e mʉ machi baara b̶uu.

Juan 14:20 Iomraidhean Croise

Juan 10:38

Maamina ichiba wau b̶uu mʉʉba wau b̶uubʉrã, mʉʉba jara b̶uu kakua machiba ijãad̶awẽa panumina mʉʉba wau b̶uu kakua ijã́sturu. Maka machiba biawãra kuitaad̶ai mʉ Chacha mʉ ome nii maud̶e mʉ, mʉ Chacha ome nii.

Juan 14:10

¿Bichiba ijãawẽa b̶uka mʉ, mʉ Chacha ome b̶uu maud̶e mʉ Chacha mʉ ome b̶uu? Mʉʉba berrea b̶uu ara mʉʉd̶eeba berreakau. Maumaarã mʉ Chacha mʉ ome b̶uuba mʉʉd̶eeba berrea b̶uu. Biawãra mʉʉd̶eeba ne joma waubarii.

Juan 14:11

Ijã́sturu mʉ, mʉ Chacha ome b̶uu maud̶e mʉ Chacha mʉ ome b̶uu. Mʉʉba maka jara b̶uu machiba ijãad̶awẽa panuubʉrã, mʉʉba wau b̶uu kakua ijã́sturu.

Juan 16:23

Mau ewarid̶e machi ab̶au bid̶a mʉʉmaa waa id̶id̶aabai. Mʉʉba biawãra jaraaruu: machiba mʉ Chachamaa mʉ trʉ̃d̶eeba id̶iiduu ichiba deai.

Juan 16:26

Mau ewarid̶e machiba mʉ trʉ̃d̶eeba Dachi Akõremaa id̶id̶ai. Mʉ machi baita Dachi Akõremaa ne id̶iibai,

Juan 17:11

»Mʉ nau iujãad̶e b̶uawẽe maamina maarã wabid̶a nau iujãad̶e panad̶ai. Chacha, bichi ãrea biꞌia nii. Mʉ bichimaa wãaruud̶eeba bichi poyaad̶eeba maarã ãrea nukua b̶uase. Bichi trʉ̃d̶eeba, mʉʉmaa mau poyaabarii deasii, ãchi kakua ab̶a nii kĩra nuread̶amera, dachi kakua ara ab̶a nii kĩra.

Juan 17:26

Mʉʉba maarãmaa bichi ʉ̃rʉbena kuitaabiasii. Mau awara maucha aude kuitaabiai bichiba mʉ kʉ̃ria b̶uu kĩra ãchi sid̶a chiya kʉ̃ria panad̶amera maud̶e mʉ ãchi sõd̶e uru panad̶amera».

Juan 17:7

Mauba kuitaa panuu joma mʉʉba uru b̶uu bichid̶ebena nee b̶uu.

Juan 6:56

Chi mʉ kooruu maud̶e chi mʉ oa dooruu mʉ ome b̶uu maud̶e mʉ ichi ome b̶uu.

Romanos 16:7

Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

2 Corintios 12:2

Cristod̶e ijãabarii ẽbẽra ab̶a mʉʉba unubarii. Año 14 basiid̶e, Dachi Akõreba mau ãba bajãad̶aa ichi b̶uumaa adoesii. Mʉʉba adua b̶uu Dachi Akõreba ichi chi kakua adoe b̶uasii maebʉrã ab̶aburu ichi jauri adoe b̶uasii. Dachi Akõréburu mau kuitaa b̶uu.

2 Corintios 13:5

Ara machicha ãrea kʉ̃risiásturu biawãra Jesusd̶e ijãa panuu kuitaad̶ai baita. Ara machicha ãrea ichiásturu jipa nibad̶a kuitaad̶ai baita. ¿Machiba adua panuka Jesucristo machi sõd̶e b̶uu? Machi sõd̶e b̶uuwãebʉrã ichid̶irãwãema.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Colosenses 1:19

Dachi Akõreba kʉ̃riasii Cristo ara ichi kĩra b̶uai.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 2:9

Cristo ẽbẽra kakuad̶e biawãra Dachi Akõrebʉ.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.