Juan 14:17 - Emberá Chamí

¹⁷ Ichi Dachi Akõre Jauribʉ. Ichiba Dachi Akõre biawãra kuitaabiabarii. Nau iujãad̶ebenarãba ichi poyaa adaud̶aabai, unud̶akaud̶eeba maud̶e adua panuud̶eeba. Maud̶e machiaburu ichi kuitaa panuu, machi baara b̶uud̶eeba maud̶e machi sõd̶e b̶uud̶eeba.

Juan 14:17 Iomraidhean Croise

Mateo 10:20

Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Juan 14:16

Maud̶eeba mʉ Chachamaa id̶ii machi Karibabarii bʉimera. Mau machi baara ewaricha b̶uai.

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

Juan 15:26

»Dachi Akõre Jauri, chi machi Aid̶abarii neei. Mauba biawãra bed̶ea jarabarii. Mʉʉba mau mʉ Chacha b̶uabariimarebena bʉisiid̶e mauba mʉ ʉ̃rʉbena machimaa berreai.

Juan 16:13

Maamina Dachi Akõre Jauriba biawãra bed̶ea kuitaabiabariid̶eeba ichi neeruud̶e machimaa jaradeai chi biawãra bed̶ea Dachi Akõred̶eeba nee b̶uu joma kuitaad̶amera. Ara ichi kʉ̃risiad̶eeba berreabai, maumaarã joma mʉʉd̶ebena ũriiruu jarai. Ichiba machimaa kuitaabiai chi neei ewarid̶e kãare sakai.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

1 Corintios 14:15

Makarã ¿sakaima? Mʉ jauriba Dachi Akõremaa ʉtaa id̶ii maamina mʉʉba chi mau kuitaa b̶uu bed̶ead̶e bid̶a ʉtaa id̶ii. Mʉ jauriba Dachi Akõremaa biꞌia karii, maamina chi mʉʉba kuitaa b̶uu bed̶ead̶e bid̶a karii.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

1 Corintios 3:16

¿Adua panuka Dachi Akõre Jauri machi sõd̶e b̶uu? ¿Adua panuka machi Dachi Akõre de?

1 Corintios 6:19

¿Machiba adua panuka machi kakua Dachi Akõre Jauri de kĩra nii? Dachi Akõreba ichi Jauri machimaa deasii. Ichi machi sõd̶e b̶uu. Machi ara machid̶iwãema maumaarã Dachi Akõred̶ebʉ.

2 Corintios 13:5

Ara machicha ãrea kʉ̃risiásturu biawãra Jesusd̶e ijãa panuu kuitaad̶ai baita. Ara machicha ãrea ichiásturu jipa nibad̶a kuitaad̶ai baita. ¿Machiba adua panuka Jesucristo machi sõd̶e b̶uu? Machi sõd̶e b̶uuwãebʉrã ichid̶irãwãema.

2 Corintios 6:16

¿Dachi Akõre kuenda juaba ne kaped̶aad̶a Dachi Akõre de mechiud̶e b̶uai b̶uka? Biawãra dachi, chi Dachi Akõre chokae b̶uu de mechiubʉ. Maud̶eeba Dachi Akõreba ichi bed̶ead̶e naka jarasii: «Mʉ ãchi ome b̶uai. Ãchi tãed̶e nibai. Mʉ Dachi Akõre ãchid̶i bai maud̶e ãchi mʉ puuru nuread̶ai».

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Efesios 2:22

Cristo ome panuud̶eeba machi sid̶a joma ẽbẽrarã Dachi Akõred̶erã baara de arab̶au kĩra nuree. Mau ded̶e Dachi Akõre ichi Jaurid̶eeba b̶uabarii.

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

2 Timoteo 1:14

Dachi Akõre Jauri dachi sõd̶e b̶uu. Maud̶eeba chi biawãra bed̶ea Dachi Akõreba bichimaa dead̶a ãrea nu b̶uase.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

1 Juan 3:24

Chi Dachi Akõreba waubi b̶uu bed̶ea wau b̶uu Dachi Akõre ome b̶uu, maud̶e Dachi Akõre ichi ome b̶uu. Dachiba kuitaa panuu Dachi Akõre dachi ome b̶uu, ichi Jauri dachimaa deasiid̶eeba.

1 Juan 4:4

Mʉ warrarã, machi Dachi Akõred̶ebʉ. Machiba maarãmaa ida setaa kũruabiad̶aabasii, chi machi sõd̶e b̶uu chi nau iujãad̶e b̶uu audeara poyaabarii b̶uud̶eeba.

1 Juan 4:6

Maamina Dachi Akõred̶ebʉ. Chi Dachi Akõre unu b̶uuba dachiba jaradea panuu ijãabarii. Chi Dachi Akõre unukauba dachiba jaradea panuu ijãakau. Maud̶eeba dachiba kuitaa panuu kaiba Dachi Akõre Jaurid̶eeba biawãra bed̶ea jaradea b̶uu maud̶e kaiba setad̶ebena jaurid̶eeba setaa jaradea b̶uu.

1 Juan 5:7

Maud̶e bajãad̶e õbea panuuba mau biawãra arab̶aud̶e jara panuu; Dachi Bajãad̶ebena Akõreba maka jara b̶uu, chi «Bed̶ea» abadauba maka jara b̶uu maud̶e ichi Jauriba maka jara b̶uu. Mau õbea panuu ab̶aburubʉ.

Apocalipsis 2:17

Chi kʉʉrʉ bara niiba ũrise chi Dachi Akõre Jauriba ãbarãmaa jara b̶uu. Chi kachirua waui poyaad̶amaa mʉʉba chi maná mera b̶uad̶a deai komera maud̶e mokara torroa b̶uu sid̶a ab̶a deai. Mau mokara kaebe b̶uumaa trʉ̃ wid̶i b̶ʉ kub̶uu. Ab̶au bid̶a mau trʉ̃ adua b̶uu. Chi adaurúburu mau trʉ̃ kuitaai.