Juan 13:5 - Emberá Chamí

⁵ Kuurud̶e bania jui adauped̶a ichi baara nibabadaurã jʉ̃rʉ jeraasii. Ãchi ab̶aab̶aa jeraaped̶a ãchi jʉ̃rʉ maud̶e chi kakua paru poabibariiba poakuasii.

Juan 13:5 Iomraidhean Croise

Lucas 7:38

Jẽa kub̶uuba Jesús kaita neeped̶a, ichi daub̶aaba Jesús jʉ̃rʉ koesii. Maabae ichi bud̶aba poaped̶a Jesús jʉ̃rʉ ĩyaaped̶a ichiba kera adoed̶aba purusii.

Lucas 7:44

Maabae wẽramaa ichiaped̶a Simonmaa jarasii: —¿Bichiba nau wẽra unu b̶uka? Mʉ bichi ded̶e neesiid̶e bichiba bania deabasii mʉ jʉ̃rʉ koebii baita, maamina nau wẽraba ara ichi daub̶aaba mʉ jʉ̃rʉ koeped̶a ichi bud̶aba poabisii.

Juan 13:10

Maud̶eeba Jesusba jarasii: —Ẽbẽra kuid̶akare ichi jʉ̃rʉ waa jeraabai b̶uu ichi kakua joma biꞌia jeraasiid̶eeba. Machi joma jeraa nuree, maamina ab̶a jeraawẽa b̶uu.

Juan 13:6

Jesusba Simón Pedromaa neeruud̶e Pedroba jarasii: —Mʉ Mechiu, ¿bichiba mʉ jʉ̃rʉ jeraaruka?

Juan 13:8

Maamina Pedroba jarasii: —Mʉ jʉ̃rʉ bichiba ewari ab̶a bid̶a jeraabai. Jesusba jarasii: —Mʉʉba bichi jʉ̃rʉ jeraawẽebʉrã, bichi mʉʉd̶ewãe.

Juan 19:34

Maka b̶uud̶e kokoroaba Jesús orrd̶e miasuba susii biawãra biusii kuitaa. Ara makʉd̶e oa bania baara chesii.

Hechos 22:16

¡Waa esed̶ause! Jiraduped̶a bichi boro eabise. Ʉtaa id̶ise. Bichiba kachirua waud̶a ichiba joma perdonai”.

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

1 Juan 5:6

Mau ara ichi Jesucristo, chi nau iujãad̶aa neeped̶a baniad̶e boro eabid̶a maud̶e ichi oa cruzd̶e ched̶abʉ. Nau iujãad̶aa neeped̶a baniad̶éburu boro eabasii, maumaarã ichi oa sid̶a cruzd̶e chesii. Dachi Akõre Jauriba kuitaabia b̶uu mau biawãra, ichiba chi biawãra bed̶ea kuitaabiabariid̶eeba.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 7:14

Mʉʉba panausii: —Bichiaburu kuitaa b̶uu. Maabae ichiba jarasii: —Naarã ẽbẽrarã́turu karibasid̶au chi kaad̶ebena ãrea biꞌiwãe panabiai ewari. Maarã chi Oeja Kaebe Nii oaba ãchi paru torroa jeraasid̶au.