Juan 13:33 - Emberá Chamí

³³ Machi mʉ warrarãd̶eeba mʉʉba jaraaruu: mʉ machi baara kãꞌãa b̶uabai. Mʉʉba judiorã mechiurãmaa jarad̶a kĩra jãabae anakʉd̶e machimaa jaraaruu: machiba mʉ jʉrʉd̶ai, maamina mʉ wãaruumaa poyaa wãd̶aabai.

Juan 13:33 Iomraidhean Croise

Juan 13:36

Simón Pedroba Jesusmaa id̶isii: —Dai Mechiu, ¿bichi samaa wãima? Maud̶e Jesusba panausii: —Anakʉd̶e mʉ wãaruumaa bichi poyaa wãabai, maamina jãad̶akare mʉ kaad̶e wãi.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 14:2

Mʉ Chacha b̶uumare chi b̶uai ãrea barau. Mʉ machi naa wãi machi baita biꞌia wauyua. Makawãe basirã mʉʉba jaraabai basii.

Juan 7:36

¿Sakãe ichiba maka jara b̶uma: “Machiba mʉ jʉrʉd̶ai maamina unud̶aabai”? Maud̶e ¿kãare jara b̶uma “mʉ wãaruumaa machi poyaa wãd̶aabai”?

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 4:4

Mʉ warrarã, machi Dachi Akõred̶ebʉ. Machiba maarãmaa ida setaa kũruabiad̶aabasii, chi machi sõd̶e b̶uu chi nau iujãad̶e b̶uu audeara poyaabarii b̶uud̶eeba.

1 Juan 5:21

Mʉ warrarã, Dachi Akõre kuenda juaba ne kaped̶aad̶ad̶e ijãarã́sturu.