Juan 13:19 - Emberá Chamí

¹⁹ Mʉʉba anakʉd̶e mau jaramaa b̶uu mau makai naed̶e, biawãra makaaruud̶e machiba Mʉʉd̶e ijãad̶amera.

Juan 13:19 Iomraidhean Croise

Mateo 11:3

—¿Bichi chi neei b̶uad̶aka, maebʉrã june ab̶a esed̶aud̶ai panuka?

Mateo 24:25

Mau joma mʉʉba machimaa jarasii makai naed̶e.

Lucas 21:13

Maud̶e machiba mʉ ʉ̃rʉbena maarã daad̶e berread̶ai.

Juan 1:15

Juanba ichi ʉ̃rʉbena naka jĩwa jarabachii: «Nau ẽbẽra ʉ̃rʉbena, mʉʉba naka jara b̶uabachii: “Chi mʉare neeruu mʉ audeara chi mechiu nii, mau mʉ naed̶e nibasiid̶eeba”».

Juan 14:29

Mʉʉba mau jara b̶uu makai naed̶e, biawãra makaaruud̶e machiba ijãad̶amera.

Juan 16:4

Maamina mʉʉba joma mau machimaa jarakuaruu, mau ewari neeruud̶e mʉʉba jarad̶a kĩrabad̶aped̶a perawẽa nuread̶amera. »Mʉʉba naed̶e machimaa mau jaraabasii, machi baara b̶uasiid̶eeba.

Juan 4:26

Maud̶eeba Jesusba jarasii: —Mʉ, chi bichi ome berrea b̶uu ichibʉ.

Juan 8:28

Maud̶eeba ichiba jarasii: —Machiba mʉ, chi Ẽbẽra Ba B̶uad̶a ʉtʉ jirab̶uuduud̶e kuitaad̶ai Mʉ Nii. Kuitaad̶ai mʉʉba b̶istĩika bid̶a ara michi kʉ̃ria waukau basii, maumaarã mʉ berrea b̶uabarii mʉ Chachaba jaradead̶a kĩra.

Juan 8:58

Jesusba panausii: —Mʉʉba biawãra jaraaruu: Abraham chi naweba adaui naed̶e Mʉʉbʉ.